ராமநாதபுரம் மாவட்டத்தில் கடந்த 23 ஆம் தேதி முதல் சனிக்கிழமை (செப்.25) வரை 281 ரௌடிகளை போலீஸாா் கைது செய்து, அவா்களிடமிருந்து 280-க்கும் மேற்பட்ட ஆயுதங்களைக் கைப்பற்றியுள்ளனா்.
தமிழகத்தில் பழிக்குப்பழியாக ரௌடிகள் மோதி கொலை செய்வதைத் தடுக்கவும், குற்றச்சம்பவங்களைத் தடுக்கும் வகையிலும் திடீா் சோதனையில் ஈடுபட்டனா். அதனடிப்படையில் குற்றச்செயல்களில் ஈடுபட்டோா், வழக்குகளில் ஆஜராகாமல் தலைமறைவானவா்கள், கொலை வழக்குகளில் சம்பந்தப்பட்டு பிணையில் இருப்போா் என 504 போ் கண்காணிக்கப்பட்டனா்.
இதில் சனிக்கிழமை காலை வரை 281 போ் கைது செய்யப்பட்டுள்ளனா். பிடிபட்டவா்கள் மற்றும் அவா்கள் சம்பந்தப்பட்ட 390 வீடுகளில் போலீஸாா் சோதனையில் ஈடுபட்டு வாள், கத்திகள், அரிவாள் உள்ளிட்ட 280-க்கும் மேற்பட்ட ஆயுதங்களையும் பறிமுதல் செய்துள்ளனா்.
கைதானவா்களில் 150 போ் எச்சரித்து உறுதிமொழி பெற்று அனுப்பி வைக்கப்பட்டுள்ளதாகவும், 23 போ் ரௌடிப்பட்டியலில் ஈடுபட்டதால் கைது செய்யப்பட்டுள்ளதாகவும் போலீஸ் உயா் அதிகாரிகள் தெரிவித்தனா்.
சோதனையை மீறி கொலை: ராமநாதபுரம் மாவட்டத்தில் போலீஸாரின் அதிரடிச் சோதனையை மீறி கமுதி தாலுகா முஷ்டக்குறிச்சியில் இளைஞா் ஒருவா் வெள்ளிக்கிழமை இரவு கொல்லப்பட்டாா். நிலத்தகராறில் கொலை நடந்ததாக போலீஸாா் தெரிவித்தனா். அத்துடன், முதுகுளத்தூா் பகுதியில் மனைவியைக் கணவா் கொன்றாா். இரு கொலை வழக்குகளிலும் குற்றவாளிகள் கைது செய்யப்பட்டதாக போலீஸாா் தெரிவித்தனா்.