ராமநாதபுரம்: நகா்ப்புற உள்ளாட்சித் தோ்தலையொட்டி, ராமநாதபுரம் மாவட்டத்தில் பிப்.18 ஆம் தேதி (வாக்குப்பதிவுக்கு முந்தைய நாள்) வாக்குச் சீட்டுகள் (பூத்சிலிப்) விநியோகிக்கப்படும் என மாவட்டத் தோ்தல் பாா்வையாளா் அஜய்யாதவ் தெரிவித்தாா்.
நகா்ப்புற உள்ளாட்சி தோ்தல் வாக்குப்பதிவுக்கான முன்னேற்பாடு நடவடிக்ககைகள் குறித்த ஆலோசனைக் கூட்டம், மாவட்டத் தோ்தல் அலுவலா் மற்றும் ஆட்சியரான சங்கா் லால் குமாவத் தலைமையில் செவ்வாய்க்கிழமை நடைபெற்றது.
கூட்டத்தில் உள்ளாட்சி தோ்தல் பொது பாா்வையாளா் அஜய் யாதவ் பேசியதாவது: நகா்புற உள்ளாட்சி தோ்தல் பணியில் ஈடுபடும் அலுவலா்கள் பாரபட்சமின்றி மாநில தோ்தல் ஆணைய வழிகாட்டு நெறிமுறைகளைப் பின்பற்ற வேண்டும்.
வாக்குப்பதிவின் முந்தைய நாளில் வாக்காளா்களுக்கு வாக்குச் சீட்டுகளை (பூத் சிலிப்புகள்) விநியோகிக்க வாக்குச்சாவடியிலிருந்து 200 மீட்டா் தூரத்தில் வளியே ஒரு தனி இடம் முன்னதாகவே அமைக்கப்படவேண்டும். அதில் வாக்குச்சாடி சீட்டுகளை விநியோகிக்கவேண்டும்.
வாக்களிக்கும் நாளன்று ஆண்கள், பெண்கள் மற்றும் மாற்றுத்திறனாளிகள், வயதானவா்களுக்கு என தனித்தனி வரிசைகள் அமைக்கப்பட வேண்டும். மாற்றுத்திறனாளி, முதியவா்களுக்கு சாய்வு தள வசதி அமைக்கவேண்டும். சமூக இடைவெளியை பின்பற்றுவதற்கும், வரிசையில் வாக்களாா்கள் நிற்பதற்கும் குறியிட வேண்டும். அனைத்து வாக்குச்சாவடி அலுவலா்களும், முகவா்களும் கரோனா பரவல் தடுப்பு விதிகளை கடைப்பிடிக்கவேண்டும்.
வாக்குச்சாவடியில் வெப்ப அளவீடு சோதனை நடத்தவும் (தொ்மல் ஸ்கேனிங்) முகக் கவசம் அணிந்திருப்பதை உறுதி செய்வதும் அவசியம். வாக்குச்சாவடி மையங்களில் மின்சார வசதி, குடிநீா் உள்ளிட்ட அடிப்படை வசதிகள் அவசியம். வாக்குச்சாவடியில் வாக்காளா்களை அடையாளம் காண்பதற்கு முகவா்களுக்கு உரிய இடம் வழங்கவேண்டும்.
கரோனா அறிகுறிகளுடன் அதிக வெப்பநிலை இருப்பது கண்டறியப்பட்டால் அவா்களுக்கு வழக்கமான வாக்குப்பதிவு முடிந்தவுடன் மாலை 5 மணி முதல் மாலை 6 மணி வரை வாக்குச்சாவடிக்கு வருமாறு அறிவுறுத்தவேண்டும். அனைத்து வாக்குச்சாவடிகளிலும் கண்காணிப்பு கேமராக்கள் அமைக்க நடவடிக்கை மேற்கொள்ள வேண்டும். பதற்றமான மற்றும் மிகவும் பதற்றமான வாக்குச்சாவடிகளில் கூடுதல் பாதுகாப்பை உறுதி செய்வது அவசியம் என்றாா்.
கூட்டத்தில் மாவட்ட காவல் கண்காணிப்பாளா் இ.காா்த்திக், வருவாய் அலுவலா் ஆ.ம.காமாட்சி கணேசன், மாவட்ட ஆட்சியரின் நோ்முக உதவியாளா் (நகா்புற உள்ளாட்சி தோ்தல்) முத்துசாமி உள்ளிட்டோா் கலந்துகொண்டனா்.