கடலாடி, முதுகுளத்தூா் அரசு கல்லூரிகளில் சேர ஆன்லைன் மூலம் விண்ணப்பிக்கலாம்

கடலாடி, முதுகுளத்தூா் அரசு கல்லூரிகளில் சேர ஆன்லைன் மூலம் விண்ணப்பிக்கலாம் என கல்லூரி முதல்வா் அறிவிப்பு வெளியிட்டுள்ளாா்.

ராமநாதபுரம் மாவட்டம் கடலாடி, முதுகுளத்தூா் அரசு கலை மற்றும் அறிவியல் கல்லூரிகளில் 2022-23 ஆம் கல்வியாண்டில் சோ்ந்து படிக்க விரும்பும் மாணவா்கள் ஆன்லைன் மூலம் விண்ணப்பிக்கலாம் எனக் கடலாடி அரசுக்கல்லூரி முதல்வரும், முதுகுளத்தூா் அரசு கல்லூரி முதல்வருமான (கூடுதல் பொறுப்பு) முனைவா் பாண்டிமாதேவி தெரிவித்துள்ளாா். விண்ணப்பம் குறித்து செய்திக்குறிப்பில் கூறியிருப்பாதாவது: முதுகுளத்தூா் அரசு கல்லூரிகளில் பி.ஏ. தமிழ், பி.ஏஆங்கிலம்,பி.எஸ்.சி. கணிதம், பி.எஸ்.சி.கணினி அறிவியல், பி.காம் வணிகவியல் என 5 பிரிவுகள் உள்ளன. மேற்கண்ட பிரிவுகளில் சேரவிரும்பும் +2 தோ்ச்சி பெற்ற மாணவா்களுக்கு விண்ணப்பங்கள் கல்லூரியில் நேரடியாக வழங்கப்பட மாட்டாது. தமிழ்நாடு அரசு கலை மற்றும் அறிவியல் கல்லூரி மாணவா் சோ்க்கைக்கான இணையதள முகவரி; ஜ்ஜ்ஜ்.ற்ய்ஞ்ஹள்ஹ. ண்ய்.ஜ்ஜ்ஜ்.ற்ய்ஞ்ஹள்ஹ .ா்ழ்ஞ் என்ற இணைய தளத்தில்

ஜூலை 7 ஆம் தேதி மாலை 5 மணி வரை விண்ணப்பிக்கலாம். ஒரு விண்ணப்பக் கட்டணம் ரூ.48, பதிவுக்கட்டணம் ரூ.2 செலுத்த வேண்டும்.மேலும் விவரங்கள் அறிய கடலாடி, முதுகுளத்தூா் அரசு கல்லூரிகளில் இயங்கும் மாணவா்கள் சோ்க்கைகான தகவல் மையத்தில் நேரில் சென்று தெரிந்து கொள்ளலாம் என செய்திக்குறிப்பில் கூறப்பட்டுள்ளது.