முகப்பு அனைத்துப் பதிப்புகள் மதுரை ராமநாதபுரம்
கமுதியில் தொடக்கப் பள்ளி ஆசிரியா் சங்கத்தினா் ஆா்ப்பாட்டம்
By DIN | Published On : 11th May 2022 12:00 AM | Last Updated : 11th May 2022 12:00 AM | அ+அ அ- |
பழைய ஓய்வூதியத் திட்டத்தை அமல்படுத்தக் கோரி, கமுதியில் தொடக்கப் பள்ளி ஆசிரியா் கூட்டமைப்பினா் செவ்வாய்க்கிழமை ஆா்ப்பாட்டத்தில் ஈடுபட்டனா்.
ராமநாதபுரம் மாவட்டம் கமுதி வட்டாரக் கல்வி அலுவலகத்தில் நடைபெற்ற இந்த ஆா்ப்பாட்டத்துக்கு கூட்டமைப்பின் வட்டார செயலாளா் அரிகிருஷ்ணன் தலைமை வகித்தாா். முன்னாள் மாவட்டச் செயலாளா் முத்துமுருகன் முன்னிலை வகித்தாா். இதில் திமுக தோ்தல் அறிக்கையில் கூறியதுபோல புதிய ஓய்வூதியத் திட்டத்தை ரத்து செய்து, பழைய ஓய்வூதியத் திட்டத்தை அமல்படுத்த வேண்டும் உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பபட்டன.
