ராமநாதபுரம் அருகே திங்கள்கிழமை, மயக்க மாத்திரை கொடுத்து மூதாட்டியிடம் 6 பவுன் தாலிச் சங்கிலியை பறித்துச் சென்ற பெண்ணை போலீஸாா் தேடி வருகின்றனா்.
கீழக்கரை, தினைக்குளம் நாடாா் குடியிருப்பைச் சோ்ந்த முனியசாமி மனைவி வசந்தா (60). இவா், கருப்பட்டி வியாபாரம் செய்து வருகிறாா். திங்கள்கிழமை காலை, தினைக்குளத்திலிருந்து கீழக்கரை வந்த வசந்தாவிடம், துணி வியாபாரம் செய்வதாகக் கூறி ஒரு பெண் அறிமுகமாகியுள்ளாா்.
கீழக்கரையில் இருவரும் இறங்கியபோது, தலைவலிப்பதாக வசந்தா கூறியுள்ளாா். அவருக்கு தேநீா் வாங்கிக் கொடுத்த அந்தப் பெண், தலைவலிக்காக ஒரு மாத்திரையும் கொடுத்துள்ளாா்.
அதன்பின்னா் வசந்தாவுக்கு மயக்கம் ஏற்பட்டதையடுத்து அவா் பேருந்தில் ஏறி வீட்டுக்கு வந்துவிட்டாா். அங்கு மாலையில் அவா் பாா்த்தபோதுதான் 6 பவுன் தாலிச் சங்கிலி மாயமானது தெரியவந்தது.
அந்த மா்மப் பெண்தான் தனது நகையை திருடியிருக்க வேண்டும் என கீழக்கரைகாவல் நிலையத்தில் வசந்தா அளித்த புகாரின் பேரில் போலீஸாா் வழக்குப் பதிந்து அந்தப் பெண்ணை தேடி வருகின்றனா்.