பாஜக விவசாய அணியினா் ஆா்ப்பாட்டம்

முதுகுளத்தூரில் பயிா்களுக்கான வறட்சி நிவாரணத்தை விவசாயிகளுக்கு பாரபட்சமின்றி வழங்கக் கோரி, பாஜக விவசாய அணி சாா்பில், வியாழக்கிழமை ஆா்ப்பாட்டம் நடைபெற்றது.

பேருந்து நிலையம் அருகே நடைபெற்ற ஆா்ப்பாட்டத்துக்கு விவசாய அணி தலைவா் செல்வம் (மேற்கு) தலைமை வகித்தாா். தலைவா் பாண்டியன் (கிழக்கு), பொதுச் செயலாளா் நீதிராஜன், மாவட்டச் செயற்குழு உறுப்பினா் முனியசாமி, ஒன்றிய பொருளாளா் தேவி ஆகியோா் முன்னிலை வகித்தனா்.

ராமநாதபுரம் மாவட்டத்தை வறட்சி மாவட்டமாக அறிவிக்க வேண்டும். அனைத்து விவசாயிகளுக்கும் பயிா் காப்பிட்டுத் திட்ட வறட்சி நிவாரணத்தை பாரபட்சமின்றி வழங்க வேண்டும். பரளை, கிருதுமால், கூத்தங்கால், குண்டாறு பிரிவு கால்வாய்களை போா்க்கால அடிப்படையில் சீரமைக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி இதில் முழக்கங்கள் எழுப்பப்பட்டன.

முடிவில் மாவட்ட வா்த்தகப் பிரிவு துணைத் தலைவா் மூவேந்திரன் நன்றி கூறினாா்.