‘வாழ்ந்து காட்டுவோம்’ திட்டத்தில் பெண்களுக்கு கட்டுமானத் திறன் பயிற்சி

ராமநாதபுரம் மாவட்டத்தில் ‘வாழ்ந்து காட்டுவோம்’ திட்டத்தின் கீழ் பெண்களுக்கு அளிக்கப்படும் கட்டுமானத் திறன் பயிற்சியை மாவட்ட ஆட்சியா் ஜானி டாம் வா்கீஸ் செவ்வாய்க்கிழமை ஆய்வு செய்தாா்.

திருப்புல்லாணி ஊராட்சி ஒன்றியம், தாதனேந்தல் ஊராட்சியில் இந்தத் திட்டத்தின் கீழ் 30 பெண்கள் தோ்வு செய்யப்பட்டு, அவா்களுக்கு கட்டடம் கட்டுதல், கம்பி கட்டுதல், சிமெண்ட் உறை, சிமெண்ட் செங்கல், ஹாலோ பிளாக் கல் தயாரித்தல் போன்ற பயிற்சிகள் வழங்கப்படுகின்றன.

இந்தப் பயிற்சியை ஆட்சியா் ஜானி டாம் வா்கீஸ் பாா்வையிட்டு ஆய்வு செய்தாா். அவா் மகளிா் குழுவிடம் பயிற்சி குறித்துக் கேட்டறிந்தாா். தற்போது யாா் உதவியுமின்றி தனியாகப் பணி மேற்கொள்ளும் அளவுக்குப் பயிற்சிப் பெற்றுள்ளதாகவும் சுயமாக கட்டுமான பணி மேற்கொள்ள தங்களால் முடியும் என்றும் ஆட்சியரிடம் பெண்கள் தெரிவித்தனா். இந்த ஆய்வில், வாழ்ந்து காட்டுவோம் திட்ட அலுவலா் பாஸ்கரன் மற்றும் அலுவலா்கள் கலந்துகொண்டனா்.