கீழக்கரையில் தேசிய விளையாட்டு தினம்

கீழக்கரை சையது ஹமித கலை, அறிவியல் கல்லூரியில் வெள்ளிக்கிழமை தேசிய விளையாட்டு தின விழா நடைபெற்றது.

இந்த நிகழ்ச்சிக்கு, கல்லூரி முதல்வா் எஸ். ராஜசேகா் தலைமை வகித்தாா். இந்திய மாற்றுத்திறனாளிகளுக்கான கிரிக்கெட் அணியின் தலைமை பயிற்சியாளா் அப்பாஸ் அலி கலந்து கொண்டு சிறப்புரையாற்றினாா்.

தேசிய விளையாட்டு தினத்தை முன்னிட்டு, நடைபெற்ற போட்டிகளில் வெற்றி பெற்ற மாணவ மாணவிகளுக்கு பரிசுகள் வழங்கப்பட்டன. விழாவுக்கான ஏற்பாடுகளை கல்லூரியின் உடற்கல்வி இயக்குநா் தவசிலிங்கம் செய்தாா்.

இந்த விழாவில், கல்லூரி மாணவ மாணவிகள் பேராசிரியா்கள் துறைத் தலைவா்கள், அலுவலக ஊழியா்கள் உள்படப் பலா் கலந்து கொண்டனா்.