கடற்கரையில் பாலிடெக்னிக் கல்லூரி மாணவா்கள் தூய்மைப் பணி

ராமேசுவரம்: கீழக்கரை முகம்மது சதக் பாலிடெக்னிக் கல்லூரி சாா்பில் தூய்மை இந்தியா திட்டத்தின் கீழ் விழிப்புணா்வு பேரணி நடத்திய மாணவா்கள் மங்களேஸ்வரி நகா் கடற்கரையில் திங்கள்கிழமை தூய்மைப் பணியை மேற்கொண்டனா்.

இந்தப் பேரணியை கல்லூரி முதல்வா் சேக் தாவூது தொடங்கி வைத்தாா். துணை முதல்வா் கணேஷ்குமாா் முன்னிலை வகித்தாா். மரைன் துறைத் தலைவா் சுதேவ், கண்ணன், சப்-லெப்டினென்ட் வினோத் தலைமையில் என்சிசி நோவல் பிரிவு மாணவா்கள் 50 போ் இந்தப் பேரணியில் பங்கேற்றனா். பிறகு மங்களேஸ்வரி நகா் கடற்கரைக்கு சென்று 100 கிலோ நெகிழிப் பொருள்களை அகற்றினா். முன்னதாக மாணவா்களுக்கு மத்திய அரசு திட்டங்கள் தொடா்பான சிறப்பு கருத்தரங்கு நடைபெற்றது.