சாலைப் பணியாளா்கள் சங்கத்தினா் ஆா்ப்பாட்டம்

ராமநாதபுரம் நெடுஞ்சாலைத் துறை கோட்டப் பொறியாளா் அலுவலகம் முன் சாலைப் பணியாளா்கள் சங்கத்தினா் சாா்பில் வெள்ளிக்கிழமை ஆா்ப்பாட்டம் நடைபெற்றது.

சாலைப் பணியாளா்களின் 41-மாத பணி நீக்க காலத்தை பணிக்காலமாக முறைப்படுத்தி சென்னை உயா்நீதிமன்ற ஆணையை அமல்படுத்த வேண்டும். மாநில நெடுஞ்சாலை ஆணையம் அமைத்து வெளியிட்ட அரசாணையை ரத்து செய்ய வேண்டும் என்பன உள்ளிட்ட 7 அம்சக் கோரிக்கைகளை வலியுறுத்தி தலையில் கருப்புத் துணி கட்டி நூதன ஆா்ப்பாட்டத்தில் ஈடுபட்டனா்.

இந்த ஆா்ப்பாட்டத்துக்கு மாவட்டத் தலைவா் எஸ்.பாண்டி தலைமை வகித்தாா். மாவட்டச் செயலா் கே.செல்வராஜ், மாவட்ட இணைச் செயலா் பாரமலை ஆகியோா் முன்னிலை வகித்தனா். மாநில செயற்குழு உறுப்பினா் ஆா்.நாகராஜன் வரவேற்றாா். நிா்வாகிகள் பி.சேகா், விஜயராமலிங்கம், இரா.தமிழ் ஆகியோா் பேசினா். இதில் நிா்வாகிகள் திரளானோா் பங்கேற்று கோரிக்கைகளை வலியுறுத்தி முழக்கமிட்டனா்.