அக்.15, 16-இல் திருவாடானையில் ‘உங்களைத் தேடி உங்கள் ஊரில்’ திட்ட முகாம்

திருவாடானை ஊராட்சி ஒன்றிய அலுவலகத்தில் ‘உங்களைத் தேடி உங்கள் ஊரில்’ திட்ட முகாம் வருகிற 15,16-ஆம் தேதிகளில் மாவட்ட ஆட்சியா் சிம்ரத் சிங் கலோன் தலைமையில் நடைபெறவுள்ளது.

ராமநாதபுரம் மாவட்டத்தில் ஒவ்வொரு மாதமும் மூன்றாவது புதன்கிழமைகளில் ‘உங்களைத் தேடி உங்கள் ஊரில்’ திட்ட முகாம் வாயிலாக ஒவ்வொரு வட்டத்திலும் மாவட்ட ஆட்சியா் இரவு தங்கி ஆய்வு செய்து வருகிறாா். இதன்படி, இந்த மாதம் திருவாடானையில் இந்த முகாம் நடைபெறுகிறது.

இது குறித்து திருவாடானை வட்டாட்சியா் ஆண்டி கூறியதாவது:

‘உங்களைத் தேடி உங்கள் ஊரில்’ திட்ட முகாம் திருவாடானை வட்டத்தில் வருகிற 15, 16- ஆம் தேதிகளில் நடைபெறவுள்ளது. எனவே, இதற்கான மனுக்களை திருவாடானை, தொண்டி, மங்களக்குடி, புல்லுாா் பகுதியைச் சோ்ந்தவா்கள், மண்டலத் துணை வட்டாட்சியா் ராமமூா்த்தியிடம் அளிக்கலாம் என்றாா் அவா்.