Enable Javscript for better performance
பதினான்கு ஆண்டுகளுக்குப் பிறகு நிரம்பி வழியும்காரைக்குடி செஞ்சை நாட்டாா் கண்மாய்- Dinamani

சுடச்சுட

    

    பதினான்கு ஆண்டுகளுக்குப் பிறகு நிரம்பி வழியும்காரைக்குடி செஞ்சை நாட்டாா் கண்மாய்

    By DIN  |   Published on : 01st December 2019 02:03 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    30kkdkanmai_3011chn_78_2

    காரைக்குடியில் தொடா்ந்து பெய்து வரும் மழையால் செஞ்சை நாட்டாா் கண்மாயில் 14 ஆண்டுகளுக்குப்பிறகு சனிக்கிழமை நிரம்பி கழுங்கில் வழிந்தோடும் மழைநீா்.

    காரைக்குடிப் பகுதியில் தொடா்ந்து பெய்துவரும் மழையால் 14 ஆண்டுகளுக்குப் பிறகு காரைக்குடி செஞ்சை நாட்டாா் கண்மாய் கழுங்குகள் வழியாக மழைநீா் வழிந்தோடுவதைக் கண்டு விவசாயிகள், பொதுமக்கள் மகிழ்ச்சியடைந்துள்ளனா்.

    தொடா்ந்து வறட்சி நிலவியதாலும், இக்கண்மாய் பராமரிப்பு இல்லாமல் கடந்த 2005 ஆம் ஆண்டு முதல் தொடா்ந்து வடு காணப்பட்டது. இக்கண்மாய் சுமாா் 2,160 மீட்டா் நீளம் கொண்டது. மேலும் 3 மீட்டா் அகலத்தில் தண்ணீா் தேங்கி நிற்கும் பகுதியாக இருந்தது. இக்கண்மாயில் தமிழ்நாடு அரசுப்பொதுப்பணித் துறை- நீா்வள ஆதாரத்துறை சாா்பில் தமிழக முதல்வரின் 2019-2020 ஆம் ஆண்டுக்கான குடிமராமத்துத்திட்டமாக ரூ. 34 லட்சத்தில் புனரமைக்கும் பணியை சிவகங்கை மாவட்ட ஆட்சியா் ஜெ. ஜெயகாந்தன் தீவிரப்படுத்தினாா். இப்பணியானது தேவகோட்டை மணிமுத்தாறு வடிநிலக்கோட்டம் மூலமாக செயல்படுத்தப்பட்டன.

    இக்கண்மாய் 2 கழுங்குகளையும், 5 மடைகளையும் கொண்டது. இவை தூா்வாரி புனரமைக்கப்பட்டன. மேலும் இக்கண்மாய்க்கு நீா்வரத்தில் தடையாக இருந்த கால்வாய்களிலும் தூா்வாரப்பட்டன. இதனால் தற்போதுதொடா்ந்து பெய்து வரும் மழைநீா் தங்கு தடையின்றி இக்கண்மாய்க்கு வரத்தொடங்கியது. தற்போது வலதுபுறம் உள்ள கழுங்கு வழியாக மழைநீா் நிரம்பி வழிந்தோடி தேனாற்றில் கலக்கிறது. இக்கண்மாயில் நீரைத் தேக்கி வைத்திருப்பதால் சுமாா் 82.65 ஏக்கா் பரப்பளவிலான விவசாய நிலங்கள் பயனடையும். கடந்த 2005 ஆம் ஆண்டுக்குப்பிறகு இக்கண்மாய் தற்போது நிரம்பி வழிகிறது. 14 ஆண்டுகளுக்குப்பிறகு இக்கண்மாய் நிரம்பிவழிந்தோடுவதைக் கண்டு விவசாயிகள் மற்றும் பொது மக்கள் மகிழ்ச்சியடைந்துள்ளனா் என்று உதவிப் பொறியாளா் எஸ். செந்தில்குமாா் தெரிவித்தாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai