காரைக்குடி அருகே உள்ள புதுவயல், கண்டனூர் உள்ளிட்ட பகுதிகளில் வெள்ளிக்கிழமை (ஜூன் 14) மின்விநியோகம் இருக்காது என அறிவிக்கப்பட்டுள்ளது.
இதுகுறித்து காரைக்குடி கோட்ட செயற்பொறியாளர் பி. ஜான்சன் வியாழக்கிழமை வெளியிட்ட செய்திக்குறிப்பு: காரைக்குடி அருகே உள்ள சாக்கவயல் (புதுவயல்) துணை மின் நிலையத்தில் மாதாந்திர பராமரிப்புப் பணிகள் நடைபெற இருப்பதால் இங்கிருந்து மின்சாரம் பெறும் பகுதிகளான புதுவயல், கண்டனூர், மித்திராவயல், பெரியகோட்டை, சாக்கோட்டை, பீர்க்கலைக்காடு, வீரசேகரபுரம் மற்றும் அதனைச் சுற்றியுள்ள பகுதிகளில் வெள்ளிக்கிழமை காலை 9 மணி முதல் மாலை 5 மணி வரை மின்விநியோகம் இருக்காது என அதில் குறிப்பிடப்பட்டுள்ளது.