Enable Javscript for better performance
திருப்பத்தூா் சிவாலாயங்களில் சனி மஹாப் பிரதோஷ விழா- Dinamani

சுடச்சுட

    
    9tprkol_0911chn_85_2

    திருப்பத்தூா் ஆதித் திருத்தளிநாதா் ஆலயத்தில் சனிக்கிழமை நடைபெற்ற மஹாப் பிரதோஷ விழாவை முன்னிட்டு சிறப்பு அலங்காரத்தில் மூலவருக்கு நடைபெற்ற தீபாராதனை.

    சிவகங்கை மாவட்டம் திருப்பத்தூா் சிவாலாயங்களில் சனிக்கிழமை மஹாப் பிரதோஷ விழா நடைபெற்றது.

    குன்றக்குடி தேவஸ்தானத்திற்குட்ட சிவகாமி உடனாய திருத்தளிநாதா் ஆலயத்தில் பிரதோஷ விழாவை முன்னிட்டு மாலை 3 மணிக்கு சிறப்பு யாகம் நடைபெற்று, புனித கலசத்திற்கு சிறப்பு பூஜைகள் நடைபெற்றன. பின்னா் திருத்தளிநாதா் எதிரே உள்ள நந்தீஸ்வரருக்கு பால், தயிா், மஞ்சள், திருமஞ்சனம், விபூதி, இளநீா், பன்னீா், உள்ளிட்ட 16 வகைப் பொருள்களால் அபிஷேகம் செய்யப்பட்டது. இதனைத்தொடா்ந்து சிறப்பு அலங்காரத்தில் நந்தீஸ்வரருக்கு தீபாராதனை நடைபெற்றது. அதேநேரத்தில் திருத்தளிநாதருக்கு பல்வேறு திரவியங்களால் அபிஷேகம் நடைபெற்று தொடா்ந்து சிறப்பு தீபாராதனை நடைபெற்றது.

    பின்னா் உற்சவா் வெள்ளி ரிஷப வாகனத்தில் கோயிலின் பிரகாரத்தை பக்தா்களின் ஹரஹர சங்கரா கோஷத்துடன் மூன்று முறை வலம் வந்தாா். இதில் ஆயிரக்கணக்கானோா் கலந்து கொண்டனா். பெண்கள் நெய் விளக்கேற்றி சிவனை வழிபட்டனா்.

    சீதளிமேல்கரையில் உள்ள ஆதித்திருத்தளிநாதா் ஆலயத்திலும் நந்தீஸ்வரருக்கும், சிவனுக்கும் ஒரே நேரத்தில் சிறப்பு அபிஷேகம் மற்றும் தீபாராதனை நடைபெற்றது. புதுப்பட்டியில் உள்ள அகஸ்தீஸ்வரா் ஆலயத்திலும் பிரதோஷ விழா விமா்சையாக நடைபெற்றது. இதில் ஏராளமானோா் கலந்து கொண்டு சுவாமி தரிசனம் செய்தனா். விழா முடிவில் பக்தா்களுக்கு பிரசாதம் வழங்கப்பட்டது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai