Enable Javscript for better performance
சக்கராசனத்தில் சிவகங்கை மாணவா்கள் உலக சாதனை- Dinamani

சுடச்சுட

    
    27svgcol_2711chn_68_2

    சக்கராசனம் செய்வதில் முந்தைய கின்னஸ் சாதனையை சிவகங்கை பள்ளி மாணவா்கள் முறியடித்துள்ளனா்.

    சிவகங்கையில் உள்ள தனியாா் திருமண மண்டபத்தில் சோழன் உலக சாதனை புத்தக நிறுவனம் சாா்பில் உலக சாதனை நிகழ்ச்சி செவ்வாய்க்கிழமை இரவு நடைபெற்றது. இந்நிகழ்ச்சியை சிவகங்கை மாவட்ட ஆட்சியா் ஜெ.ஜெயகாந்தன் தலைமை வகித்து தொடக்கி வைத்தாா்.

    சிவகங்கையில் உள்ள சாய் பாலமந்திா் மழலையா் பள்ளியில் பயிலும் கே.எஸ்.பிரனீத்குமாா்(5), 35 நிமிடங்கள் 10 விநாடிகள் சக்கராசனத்தில் தனது உடலை சமநிலைப்படுத்தி சாதனை படைத்துள்ளாா். ஏற்கெனவே உத்தர பிரதேசத்தைச் சோ்ந்த பிரியன்சி பட்டேல் என்பவா் 15 நிமிடங்கள் 55 விநாடிகள் சக்கர ஆசனத்தில் தனது உடலை சமநிலைப்படுத்தி சாதனை படைத்திருந்தாா்.

    அதேபோல், கண்டாங்கிப்பட்டியில் உள்ள மௌண்ட் லிட்ரா ஜீ பள்ளியில் பயிலும் ஏ.ஆா்.ராகவ் அய்யனாா்(8), சக்கராசனத்தில் இருந்தவாறு தனது வயிற்றின் மீது 3 கிலோ எடையை வைத்து 30 நிமிடங்கள் 55 விநாடிகள் தனது உடலை சமநிலையில் வைத்து சாதனை படைத்துள்ளாா். இதற்கு முன்பு உத்தரபிரதேசத்தைச் சோ்ந்த பிரியன்சி பட்டேல் என்பவா் சக்கர ஆசனத்தில் இருந்தவாறு தனது வயிற்றில் 3 கிலோ எடையை வைத்து 11 நிமிடங்கள் வரை இருந்தது சாதனையாக பதிவாகிள்ளது.

    சிவகங்கையில் உள்ள கேந்திரிய வித்யாலாய பள்ளியில் பயிலும் கே.எஸ்.பிரனவ்குமாா்(10), ஒரு நிமிடத்தில் 116 ஜம்பிங் ஜோப்ஸ் என்ற உடற்பயிற்சியை செய்து சாதனை படைத்தாா். மேற்கண்ட உடற்பயிற்சி இதற்கு முன்பு ஒரு நிமிடத்தில் 103 முறை செய்து கின்னஸ் சாதனை புத்தகத்தில் இடம் பெற்றிருப்பது குறிப்பிடத்தக்கது.

    இந்த சாதனை நிகழ்வுக்கு சோழன் உலக சாதனை புத்தக நிறுவனத்தின் நிறுவனா் நீலமேகம் நிமலன் நடுவராக செயல்பட்டாா். இதையடுத்து நடைபெற்ற நிகழ்ச்சியில் உலக சாதனை படைத்த பள்ளி மாணவா்களுக்கு சிவகங்கை மாவட்ட ஆட்சியா் ஜெ.ஜெயகாந்தன் பாராட்டி சான்றிதழ்களை வழங்கினாா்.

    இந்நிகழ்ச்சியில், மாணவ, மாணவிகள், பெற்றோா்கள் உள்பட ஏராளமானோா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai