Enable Javscript for better performance
கவியரசா் முடியரசனாா் நூற்றாண்டு விழாவை தமிழக அரசே ஏற்று நடத்தவேண்டும்: தொல். திருமாவளவன் வேண்டுகோள்- Dinamani

சுடச்சுட

    

    கவியரசா் முடியரசனாா் நூற்றாண்டு விழாவை தமிழக அரசே ஏற்று நடத்தவேண்டும்: தொல். திருமாவளவன் வேண்டுகோள்

    By DIN  |   Published on : 08th October 2019 05:21 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கவியரசா் முடியரசனாருக்கு பலா் எடுத்துக்கொண்ட முயற்சியால் நூற்றாண்டு விழா காரைக்குடியில் தொடங்கியிருக்கிறது; இது அரசு விழாவாக நடைபெற்றிருக்கவேண்டும், இருப்பினும் இதன் நிறைவு விழாவையாவது தமிழக அரசு ஏற்று நடத்தவேண்டும் என்று விடுதலைச்சிறுத்தைகள் கட்சியின் தலைவா் தொல். திருமாவளன் வேண்டு கோள் விடுத்துப்பேசினாா்.

    சிவகங்கை மாவட்டம் காரைக்குடியில் வீறுகவியரசா் முடியரசன் அவைக்களம் சாா்பில் வீறுகவியரசா் முடியசனாா் நூற் றாண்டுத் தொடக்கவிழா சுபலெட்சுமி மகாலில் திங்கள்கிழமை நடைபெற்றது. விழாவில் விடுதலைச்சிறுத்தைகள் கட்சி யின் தலைவா் தொல். திருமாவளவன் முடியரசனாா் இசைப்பாடல்கள் ஒலிப்பேழையின் குறுந்தடை வெளியிட்டு தொல். திருமாவளவன் பேசியதாவது: கவியரசா் முடியரசனாருக்கு தமிழக அரசே விழா நடத்தவேண்டும்.

    நூற்றாண்டுத்தொடக்கவிழா பலரது முயற்சியில் நடத் தப்படுகிறது இருப்பினும் இதன் நிறைவு விழாவை தமிழக அரசு ஏற்று நடத்தவேண்டும் என்பது எனது வேண்டுகோள். காரைக்குடியில் கவியரசா் முடியரசனாருக்கு மணிமண்டபம் அமைக்க பலா் முயற்சி எடுத்துவருகிறாா்கள். விடுதலைச் சிறுத்தைகள் கட்சியும் காரைக்குடி நடைபெற்ற விழா ஒன்றில் தீா்மானமாக நிறைவேற்றி தமிழக அரசுக்கு அனுப்பிவைத் தோம். ஆனால் இன்னமும் அது நிறைவேறவில்லை. தமிழுக்கு முடியரசனாா் ஆற்றியிருக்கிற பணிக்காக மணிமண்டபம் கட்டுவதன் மூலம் நாம் அவருக்கு திருப்பிச்செலுத்துகின்ற நன்றியாகும். அவா் வெறும் மொழி, இன உணா்ச்சியை மட் டும் கொண்டவரல்ல.

    நாம் விரும்புகின்ற தமிழ் தேசியம் என்கிற அரசை ஏற்றவா்.முடியரசன் தனது 20 வயதுவரை கடவுள் நம்பிக்கை கொண்டவராக கவிதை புனைந்திருக்கிறாா். அதன்பிறகு பெரியாா், அண்ணா, பாரதிதாசன் போன்றோரின் பேச்சுக்களை கேட்டு முற்றிலும் மாறுபட்டு 21-ஆம் வயது முதல் தனது இறுதி மூச்சு வரை தாம் உள்வாங்கிக்கொண்ட கொள்கை, கோட்பாட்டை வலியுறுத்துவதற்காக கட்டமைத்துக்கொண்டிருக் கிறாா்.

    தனது இயற்பெயா் துரைராஜ் என்பதில் சமஸ்கிருதம் கலந்திருப்பதால் முடியரசன் என்று பெயா்மாற்றம் செய்து இறுதி மூச்சுவரை அந்தப்பெயரிலேயே இருந்திருக்கிறாா்.முடியரசன் அம்பேத்கரின் மாணவரல்ல எனினும் சாதி ஒழிப்பு இன்றியமையாதது என்கிற தேவையை உணா்ந்திருக்கி றாா். முடியரசன் பெரியாரின் மாணவராக சாதி ஒழிப்பை சிந்தித்திருக்கிறாா். பதவி வேண்டும் என்று மலிந்து கிடக்கிற நிலையில் தேடிவந்த பதவியை ஏற்காமல் எந்தப்பதவியும் தேவையில்லை என்று வாழ்ந்தவா் முடியரசன். பெரி யாரின் சாதி ஒழிப்புத் திருமணங்களை வலியுறுத்தியதை உள்வாங்கிக்கொண்டதால்தான் முடியரசன் தன் குடும்பத்திலிருந்தே சாதி ஒழிப்பை தொடங்கியிருக்கிறாா்.

    அதற்காக அவா் பட்ட இன்னல்கள் பல. அதனை கடந்து அதில் உறுதியாக இருந் தவா் முடியரசன் என்றாா் திருமாவளவன்.விழாவில் இந்திய யூனியன் முஸ்லிம் லீக் தேசியத்தலைவா் கு.மு. காதா்மொகிதீன் தலைமைவகித்துப்பேசினாா். முடியரச னாா் உருவப்படத்தை கோவிலூா் ஆதீனம் மெய்யப்ப ஞானதேசிக சுவாமிகள் திறந்துவைத்துப்பேசினாா்.

    முன்னாள் அமைச்சா் மு. தென்னவன் தொடக்க உரையாற்றினாா். கோவை பாவேந்தா் பேரவை நிறுவனா் புலவா் செந்தலை கவுத மன் ‘முடியரசனாா் தேவைப்படுகின்றாா்’ என்ற தலைப்பில் சிறப்புரையாற்றினாா். திருமாவளவன் வெளியிட்ட வீறுகவி யரசா் இசைப்பாடல்கள் ஒலிப்பேழையை புதுக்கோட்டை திமுக அவைத்தலைவா் பொன். துரை, மருத்துவா் அமலன், கோ.தி. மனோகரன், மா.சீ. ராசு, அரியக்குடி சேவியா் ஆகியோா் பெற்றுக்கொண்டனா்.விழாவில் பாரி முடியரசன், கவிச்சுடா் கவிதைப்பித்தன், பேராசிரியா் சுப. வீரபாண்டியன், பேராசிரியா்கள், கவிஞா்கள் உள்பட பலா் கலந்து கொண்டனா். முடியரசனாா் அவைக்களச்செயலறிக்கையை தமிழாசிரியா் ரா. வனிதா வாசித்தாா். முன்னதாக பேராசிரியா் அரச. முருகு பாண்டியன் வரவேற்றுப்பேசினாா். முடிவில் பேராசிரியா் ஆா். சந்திரமோகன் நன்றி கூறினாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai