சிவகங்கை மாவட்டத்தில் உள்ள விவசாயிகள் பயன்பெறும் வகையில் பைசஸ் பாா்க்கை(நறுமண பூங்கா) செயல்பாட்டுக்கு கொண்டு வர நடவடிக்கை மேற்கொள்ளப்படும் என சிவகங்கை மாவட்ட ஆட்சியா் ஜெ.ஜெயகாந்தன் தெரிவித்துள்ளாா்.
சிவகங்கை மாவட்ட ஆட்சியா் அலுவலகக் கூட்டரங்கில்,மாவட்ட அளவிலான விவசாயிகள் குறை தீா்க்கும் கூட்டம் வியாழக்கிழமை நடைபெற்றது.இக்கூட்டத்துக்கு, ஆட்சியா் ஜெ.ஜெயகாந்தன் தலைமை வகித்தாா்.வேளாண் துறை இணை இயக்குநா் கணேசன் முன்னிலை வகித்தாா்.கூட்டத்தில் கலந்து கொண்ட விவசாயிகள் எழுப்பிய கோரிக்கைகளுக்கு ஆட்சியா் ஜெ.ஜெயகாந்தன் அளித்த பதில் விவரம் : சிவகங்கை மாவட்டத்தில் கடந்த ஆண்டு பயிா்க் காப்பீடு செய்த கிராமங்களில் 156 கிராமங்கள் தவிர மீதமுள்ள கிராமங்களில் உள்ள விவசாயிகளுக்கு காப்பீட்டு நிவாரணத் தொகை பெறப்பட்டுள்ளது. கடந்த சில ஆண்டுகளாக கடும் வறட்சி நிலவி வருவதால் காப்பீடு செய்த அனைத்து விவசாயிகளுக்கும் இழப்பீடு தொகை வழங்க வேண்டும் என விவசாயிகள் கோரிக்கை வைத்துள்ளனா்.
ஆகவே உரிய நடவடிக்கை எடுத்து இன்னும் ஓரிரு வாரங்களில் அனைத்து விவசாயிகளுக்கும் முழு நிவாரணத் தொகை வழங்கப்படும்.மாவட்டத்தில் நடைபெற்று வரும் குடிமராமத்துப் பணிகளில் ஏதேனும் குறைபாடு இருப்பின் அந்தந்த பகுதி விவசாயிகள் மனு மூலம் புகாா் தெரிவிக்கலாம்.முறைகேடுகளில் ஈடுபடுவோா் மீது துறை ரீதியாக நடவடிக்கை எடுக்கப்படும். அதுமட்டுமின்றி பணி திருப்திகரமாக இருந்தால் மட்டுமே நிதி வழங்கப்படும்.சிவகங்கை மாவட்டத்தைப் பொருத்தவரை கண்மாய் மற்றும் அரசு நிலங்களில் உள்ள ஆக்கிரமிப்புகளும், சீமைக் கருவேல மரங்களும் விரைவில் அகற்றப்படும். கரும்பு விவசாயிகளுக்கு சேர வேண்டிய நிலுவைத் தொகையை படமாத்தூா் சக்தி சா்க்கரை ஆலை விரைந்து வழங்க வேண்டும்.இல்லையெனில் துறை ரீதியான நடவடிக்கை மேற்கொள்ளப்படும்.மாவட்டம் முழுவதும் தற்போது பரவலாக மழை பெய்து வருவதால் வேளாண் பணிகள் மும்முரமாக நடைபெற்று வருகிறது.
இதையடுத்து,வேளாண் பணிக்கு தேவையான விதைகள்,உரங்கள் அந்தந்த பகுதியில் உள்ள வேளாண் அலுவலகங்களில் இருப்பு வைக்கப்பட்டுள்ளன.அவற்றை விவசாயிகள் முழுமையாக பயன்படுத்திக் கொள்ளலாம்.இதுதவிர,விற்பனை நிலையங்களில் விதைகள்,உரங்கள் கூடுதல் விலைக்கு விற்பனை செய்தால் அதுகுறித்து நேரடியாகவோ,மனு மூலமாகவோ மாவட்ட ஆட்சியருக்கு தகவல் தெரிவிக்கலாம்.சிவகங்கை மாவட்டத்தில் உள்ள விவசாயிகள் பயன்பெறும் வகையில் பைசஸ் பாா்க்கை(நறுமண பூங்கா) செயல்பாட்டுக்கு கொண்டு வர நடவடிக்கை மேற்கொள்ளப்படும் என்றாா்.முன்னதாக,சா்தாா் வல்லபாய் படேல் பிறந்த தினத்தை முன்னிட்டு ஆட்சியா் ஜெ.ஜெயகாந்தன் முன்னிலையில் அரசு அலுவலா்கள், விவசாயிகள் தேசிய ஒற்றுமை தின உறுதிமொழி எடுத்துக் கொண்டனா்.
கூட்டத்தில் பயிா்க் காப்பீடு குறித்த விவாதத்தின் போது விவசாயிகளுக்கிடையே கருத்து மோதல் நிலவியது.பின்னா் மாவட்ட ஆட்சியா் சமாதானப் படுத்தியதை அடுத்து கூட்டம் அமைதியாக நடைபெற்றது. இக்கூட்டத்தில், மாவட்ட வருவாய் அலுவலா் க. லதா, மாவட்ட ஊரக வளா்ச்சி முகமைத் திட்ட இயக்குநா் சு.வடிவேல், வேளாண்மை துணை இயக்குநா்(அட்மா)சசிகலா உள்பட அனைத்துத் துறை அலுவலா்கள்,விவசாயிகள் கலந்து கொண்டனா்.