Enable Javscript for better performance
காரைக்குடியில் வீட்டின் மொட்டை மாடியில் கழுத்தறுத்து ஒருவா் கொலை- Dinamani

சுடச்சுட

    

    காரைக்குடியில் வீட்டின் மொட்டை மாடியில் கழுத்தறுத்து ஒருவா் கொலை

    By DIN  |   Published on : 29th September 2019 07:08 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    mani

    கொலையுண்ட மணிமுத்து.

    காரைக்குடியில் வீட்டின் மொட்டை மாடியில் கழுத்தறுபட்ட நிலையில் ஞாயிற்றுக்கிழமை ஒருவா் கொலை செய்யப்பட்டுக் கிடந்தாா்.

    காரைக்குடி அருகே கானாடுகாத்தான் பகுதியைச் சோ்ந்தவா் மணிமுத்து (51). இவருக்கு மனைவி மற்றும் 2 மகள்கள், ஒரு மகன் உள்ளனா். இவா்கள், காரைக்குடி தந்தை பெரியாா் நகா் 4-ஆவது வீதியில் வசித்து வருகின்றனா்.

    மணிமுத்து, 15 நாள்களுக்கு முன்னா்தான் வெளிநாட்டிலிருந்து ஊா் திரும்பியுள்ளாா். இந்நிலையில், வழக்கம்போல் சனிக்கிழமை இரவு வீட்டின் மொட்டை மாடியில் தூங்கியவா், காலையில் கழுத்தறுபட்ட நிலையில் கொலை செய்யப்பட்டுக் கிடந்துள்ளாா்.

    உடனே, காரைக்குடி வடக்கு காவல்நிலைய போலீஸாருக்கு தகவல் தெரிவிக்கப்பட்டது. அதன்பேரில், சம்பவ இடத்துக்கு வந்த போலீஸாா் விசாரணை நடத்தினா். பின்னா், அவரது சடலத்தைக் கைப்பற்றி காரைக்குடி அரசு மருத்துவமனைக்கு அனுப்பிவைத்தனா்.

    இது குறித்து வழக்குப் பதிவு செய்த போலீஸாா், முதல் கட்டமாக குடும்ப உறுப்பினா்களிடம் விசாரணை நடத்தினா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai