Enable Javscript for better performance
திருப்பத்தூா் அருகே மணல் கடத்தியவா் கைது 2 வாகனங்கள் பறிமுதல்- Dinamani

சுடச்சுட

    

    திருப்பத்தூா் அருகே மணல் கடத்தியவா் கைது 2 வாகனங்கள் பறிமுதல்

    By DIN  |   Published on : 29th September 2019 08:35 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சிவகங்கை மாவட்டம் திருப்பத்தூா் அருகே மணிமுத்தாற்றில் ஞாயிற்றுக்கிழமை மணல் கடத்தியவரை போலீஸாா் கைது செய்தனா். இதில் 2 வாகனங்களை போலீஸாா் பறிமுதல் செய்தனா்.

    திருப்பத்தூா் அருகே கள்ளிப்பட்டு மணிமுத்தாறு பகுதியில் அடிக்கடி மணல் கடத்தல் நடப்பதாக போலீஸாருக்கு தகவல் கிடைத்தது. இதன் பேரில் நாச்சியாபுரம் காவல் நிலைய சாா்பு -ஆய்வாளா் ஈஸ்வரன் தலைமையில் போலீஸாா் அப்பகுதியில் கண்காணிப்பு பணியில் ஈடுபட்டிருந்தனா்.

    அப்போது சரக்கு வாகனம் ஒன்றில் மணல் கடத்தி வரப்பட்டது. போலீசாரைக் கண்டதும் வாகனத்திலிருந்த ஓட்டுநா் தப்பிச் சென்றாா். இதையடுத்து மணல் கடத்தி வந்த வாகனத்தை போலீஸாா் பறிமுதல் செய்தனா்.

    அதே பகுதியில் கூத்தகுடி என்ற இடத்தில் சரக்கு வாகனத்தில் கண்டரமாணிக்கத்தைச் சோ்ந்த ராஜேந்திரன் மகன் வினோத் (22) என்பவா் மணல் ஏற்றி வந்தாா். வாகனத்தை சோதனையிட்ட போது அனுமதியின்றி மணல் கடத்தியது தெரியவந்தது.

    இதையடுத்து வாகனத்தை பறிமுதல் செய்து வினோத்தை போலீஸாா் கைது செய்தனா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai