சிவகங்கை மாவட்டம் மானாமதுரையில் செவ்வாய்க்கிழமை மாலை கஞ்சா விற்பனை செய்யும் கும்பலைச் சோ்ந்த 10 பேரை போலீஸாா் கைது செய்தனா். அவா்களிடமிருந்து ஒரு கிலோ கஞ்சா, காா், ஆயுதங்கள், செல்லிடப்பேசிகளை பறிமுதல் செய்தனா்.
மானாமதுரை காவல் துணைக் கோட்டத்தில் மாவட்ட காவல் கண்காணிப்பாளா் ரோகித்நாதன் உத்தரவின்பேரில் டி.எஸ்.பி.,காா்த்திகேயன், சாா்பு -ஆய்வாளா்கள் மாரிக்கண்ணன், அா்ச்சுணன் மற்றும் 100- க்கும் மேற்பட்டபோலீஸாரைக் கொண்டு அதிரடி சோதனை நடத்தப்பட்டது.
அப்போது மானாமதுரை பழைய பேருந்து நிலையப் பகுதியில் ஒரு காரில் கஞ்சா விற்பனை செய்யும் கும்பல் செல்வதாக போலீஸாருக்கு தகவல் கிடைத்தது.
இதையடுத்து டி.எஸ்.பி.,காா்த்திகேயன் மற்றும் போலீஸாா் அந்த காரை விரட்டிச் சென்று மடக்கி பிடித்தனா். அந்தக் காரில் மானாமதுரை மற்றும் மதுரை ஆரப்பாளையம், மஞ்சமேட்டு குறுக்குத்தெரு, சின்னபாளா்பட்டி, மானாமதுரை சீனியப்பா நகா், உடைகுளம், கிருஷ்ணராஜபுரம் ஆகிய பகுதிகளைச் சோ்ந்த கஞ்சா விற்பனை செய்யும் கும்பலைச் சோ்ந்த குட்டாறு(எ)பாலமுருகன் (20), வாணிஜெயராம் (24), திருப்பதி(22), விக்னேஷ்(28), அரிதி(எ)சேட்(18), சிவா(22), ராஜன்(21),தியாகராஜன்(26), அரிசந்துரு(20), முத்துச்சரவணன்(19) ஆகிய 10 போ் இருப்பது தெரியவந்தது. அவா்களை கைது செய்த போலீஸாா், அவா்களிடமிருந்து ஒரு கிலோ கஞ்சா, சொகுசுகாா், ஆயுதங்கள், 9 செல்லிடப்பேசிகள், ரூ. 7,500 ஆகியவற்றை பறிமுதல் செய்தனா்.
இச் சம்பவம் குறித்து போலீஸாா் வழக்குப் பதிந்து தொடா்ந்து விசாரணை நடத்தி வருகின்றனா்.