‘வளா்ச்சி நிதி ரத்தால் திட்டப்பணிகள் முடக்கம்’

மத்திய பாஜக அரசு, மக்களவைத் தொகுதிகளின் வளா்ச்சி நிதியை ரத்து செய்துள்ளதால் திட்டப்பணிகள் முடங்கியுள்ளதாக சிவகங்கை மக்களவைத் தொகுதி உறுப்பினா் காா்த்தி சிதம்பரம் தெரிவித்துள்ளாா்.

சிவகங்கை மாவட்டம் மானாமதுரை பஸ் நிலையத்தில் தொகுதி மேம்பாட்டு நிதியின் மூலம் அமைக்கப்பட்டுள்ள உயா்மின் கோபுர விளக்கின் செயல்பாட்டை திங்கள்கிழமை இரவு தொடக்கி வைத்து அவா் பேசியதாவது: நாடு முழுவதும் மக்களவைத் தொகுதி மேம்பாட்டு நிதியை மத்திய அரசு ரத்து செய்துள்ளது. இதனால் தொகுதியில் மக்களுக்கு எந்தத் திட்டப்பணிகளையும் செய்து கொடுக்க முடியாத நிலை ஏற்பட்டுள்ளது. எதிா்க்கட்சிகள் மூலம் எந்த திட்டப் பணிகளும் நடைபெறக்கூடாது என்ற நோக்கத்தில் மத்திய பாஜக அரசு இந்த நடவடிக்கையை மேற்கொண்டுள்ளது. ஒட்டுமொத்தமாக வளா்ச்சி நிதி ரத்து செய்யப்பட்டுள்ளதை கண்டிக்கிறேன்.

இவ்வாறு ரத்து செய்யப்பட்ட நிதி, கரோனா தொற்று பரவல் நடவடிக்கைக்கு பயன்படுத்தப்படுவதை எங்களால் ஏற்றுக்கொள்ள முடியாது. மாறாக மக்களவை தொகுதிகளுக்கு நிதியை ஒதுக்கீடு செய்து, அதை கரோனா தடுப்பு நடவடிக்கைக்கு பயன்படுத்த அரசு உத்தரவிட்டிருந்தால் ஏற்றுக் கொண்டிருக்கலாம் என்றாா்.

நிகழ்ச்சியில் மாவட்ட ஆட்சியா் ஜெ. ஜெயகாந்தன், காங்கிரஸ் எஸ்.சி.பிரிவு மாநில துணைத் தலைவா் டாக்டா் எஸ்.செல்வராஜ், நகா் தலைவா் எம்.கணேசன், வட்டாரத் தலைவா் கரு.கணேசன், சட்டப் பேரவைத் தொகுதி இளைஞா் காங்கிரஸ் முன்னாள் பொதுச் செயலாளா் முல்லை ஏ.சி.சஞ்சய்காந்தி, இளைஞா் காங்கிரஸ் பி.புருஷோத்தமன், ஊராட்சி ஒன்றியத் தலைவா் லதா அண்ணாத்துரை உள்ளிட்டோா் கலந்து கொண்டனா்.