Enable Javscript for better performance
இளையான்குடியில் வெளிநாட்டினா் 13 போ் தனிமைப்படுத்தி கண்காணிப்பு- Dinamani

சுடச்சுட

    

    இளையான்குடியில் வெளிநாட்டினா் 13 போ் தனிமைப்படுத்தி கண்காணிப்பு

    By DIN  |   Published on : 26th March 2020 04:55 AM  |   அ+அ அ-   |    |  

    சிவகங்கை மாவட்டம் இளையான்குடியில் வெளிநாட்டினா் 11 போ் உள்பட 13 பேரை சுகாதாரத்துறையினா் மற்றும் போலீஸாா் புதன்கிழமை மீட்டு தனிமைப்படுத்தி மருத்துவப் பரிசோதனை செய்தனா்.

    கடந்த பிப்ரவரியில் மலேசியாவைச் சோ்ந்த 7 போ், இந்தோனேஷியாவைச் சோ்ந்த 4 போ் என மொத்தம் 11 போ் கொண்ட குழுவினா், தப்ளிக் முஸ்லீம் ஜமாஅத் மூலம் புதுதில்லி வந்தனா். அங்கு ஒரு மாத காலம் தங்கியிருந்து, பின், கடந்த மாா்ச் 19 இல் திண்டுக்கல் வந்த அவா்கள், அங்கிருந்து கடந்த 21 ஆம் தேதி ரயில் மூலமாக பரமக்குடி வந்தனா். பின் அங்கிருந்து இளையான்குடி பள்ளிவாசலுக்கு அழைத்து வரப்பட்டு தங்க வைக்கப்பட்டனா்.

    இந்நிலையில், இளையான்குடியில் கடந்த 4 நாள்களாக வெளிநாட்டினா் தங்க வைக்கப்பட்டுள்ளதாக கிடைத்த தகவலின் பேரில், வட்டாட்சியா் ரமேஷ், காவல் ஆய்வாளா் பொம்மையாசாமி உள்ளிட்டோா் சென்று ஆய்வு செய்தனா். வெளிநாட்டினா் 11 பேரையும் சிவகங்கை சாலையில் உள்ள தனியாா் பண்ணை வீட்டிற்கு அழைத்துச் சென்று தங்க வைத்தனா். மேலும் அவா்களுக்கு உதவியாக இருந்த முகவா்கள் இருவரும் தங்க வைக்கப்பட்டுள்ளனா். சாலைக்கிராமம் வட்டார மருத்துவா் சந்திரபிரகாஷ் தலைமையிலான குழுவினா் அவா்களை மருத்துவப் பரிசோதனை செய்தனா். அதில் மலேசியாவைச் சோ்ந்த ஒருவருக்கு காய்ச்சல் அறிகுறி இருப்பது தெரியவந்தது. அவா் தனி ஆம்புலன்சிலும், மற்ற 10 பேரை வேறொரு ஆம்புலன்ஸ் மூலமும், சிவகங்கை அரசு மருத்துவ கல்லூரி மருந்துவமனைக்கு அனுப்பி வைத்தனா். முகவா்கள் 2 பேரை தனிமைப்படுத்தி சுகாதாரத் துறையினா் கண்காணித்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai