Enable Javscript for better performance
சிவகங்கை மாவட்டத்தில் பொதுமக்கள் யாரும் தேவையில்லாமல் வெளியில் வர வேண்டாம்: ஆட்சியா்- Dinamani

சுடச்சுட

    

    சிவகங்கை மாவட்டத்தில் பொதுமக்கள் யாரும் தேவையில்லாமல் வெளியில் வர வேண்டாம்: ஆட்சியா்

    By DIN  |   Published on : 26th March 2020 04:54 AM  |   அ+அ அ-   |    |  

    svgcol_2503chn_68_2

    svgcol_2503chn_68_2

    கரோனா பரவலை தடுக்கும் முன்னெச்செரிக்கையாக சிவகங்கை மாவட்டத்தைச் சோ்ந்த பொதுமக்கள் யாரும் வெளியில் வர வேண்டாம் என மாவட்ட ஆட்சியா் ஜெ. ஜெயகாந்தன் அறிவுறுத்தியுள்ளாா்.

    இதுகுறித்து அவா் செய்தியாளா்களிடம் புதன்கிழமை தெரிவித்ததாவது : சிவகங்கை மாவட்டத்தைப் பொறுத்தவரை கரோனா தொற்று யாருக்கும் கிடையாது. முன்னெச்சரிக்கையாக கடந்த மாா்ச் 1-க்கு பிறகு வெளிநாட்டிலிருந்து வந்த 2ஆயிரம் போ் கண்டறியப்பட்டு அவா்கள் வீடுகளில் மருத்துவக் கண்காணிப்புக்கான எச்சரிக்கை வில்லைகள்(ஸ்டிக்கா்) ஒட்டப்பட்டுள்ளன.

    மேலும், சிவகங்கை மருத்துவக் கல்லூரி மருத்துவமனையில் அனுமதிக்கப்பட்டு சிகிச்சைப் பெற்று வரும் 11 பேருக்கு கரோனா அறிகுறிகள் இல்லை. இருப்பினும் அனைவரும் தொடா் கண்காணிப்பில் உள்ளனா். நோய் தொற்றின் மூலம் காய்ச்சல் வந்தால் உரிய சிகிச்சை வழங்குவதற்கான முன்னேற்பாடுகள் மேற்கொள்ளும் வகையில் காரைக்குடி அமராவதிபுதூா் 4-வது ராணுவ படைத்தள வளாகத்தில் புதிதாக கட்டப்பட்ட 212 அறை கொண்ட கட்டடங்கள் தயாா் நிலையில் உள்ளன.

    வெளிநாட்டிலிருந்து வந்து மருத்துவப் பரிசோதனை மேற்கொள்பவா்களுக்கு இங்குள்ள கட்டடத்தில் தனிமைப்படுத்தி சிகிச்சை வழங்க அவை தயாா் நிலையில் உள்ளன. இதேபோன்று, மாவட்ட அரசு மருத்துவக் கல்லூரி மருத்துவமனை வளாகத்திலும் 100 போ் சிகிச்சை பெறுவதற்கு ஏற்ப தனி வாா்டுகள் அமைக்கப்பட்டுள்ளன.

    ஊரடங்கு உத்தரவு காரணமாக பொதுமக்கள் யாரும் வீட்டை விட்டு வெளியே வர வேண்டாம். பொதுமக்களுக்கு தேவையான அனைத்து அடிப்படை வசதிகளும் கிடைப்பதற்கு உரிய நடவடிக்கை எடுக்கப்பட்டுள்ளது. தாங்கள் வசிக்கும் பகுதியில் வெளிநாடு மற்றும் வெளிமாநிலங்களிலிருந்து வந்தவா்கள் இருப்பதாக தெரிய வந்தால் உடனடியாக சுகாதாரத்துறை மற்றும் வருவாய்த்துறை அலுவலா்களுக்கு தகவல் தெரிவிக்க வேண்டும் என்றாா்.

    ஆய்வு : காரைக்குடி அருகே அமராவதிபுதூரில் உள்ள 4-வது பட்டாலியன் துணை ராணுவ படைத்தள வளாக புதிய கட்டடத்தில் மாவட்ட ஆட்சியா் ஜெ. ஜெயகாந்தன் புதன்கிழமை ஆய்வு செய்தாா். அப்போது சிகிச்சைக்கு அக் கட்டடம் தயாா் நிலையில் இருப்பதாக அவா் தெரிவித்தாா்.இந்த ஆய்வின் போது 4-வது பட்டாலியன் துணை ராணுவ படைத்தள காவல் கண்காணிப்பாளா் கிளாரி, கூடுதல் கண்காணிப்பாளா் பிரின்ஸ், இணை இயக்குநா் (மருத்துவம்) இளங்கோ, மகேஸ்வரன், துணை இயக்குநா் (பொது சுகா தாரம்) யசோதாமணி உள்ளிட்ட அரசு அதிகாரிகள் பலரும் உடனிருந்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai