Enable Javscript for better performance
துபையில் இறந்த கணவரின் சடலத்தை இந்தியா கொண்டு வர மனைவி கோரிக்கை- Dinamani

சுடச்சுட

    

    துபையில் இறந்த கணவரின் சடலத்தை இந்தியா கொண்டு வர மனைவி கோரிக்கை

    By DIN  |   Published on : 24th May 2020 07:55 AM  |   அ+அ அ-   |    |  

    23tprpol_2305chn_85_2

    துபையில் இறந்த கணவரின் சடலத்தை இந்தியா கொண்டு வருவதற்கு, அவரது மனைவி சிவகங்கை மாவட்ட ஆட்சியரிடம் வெள்ளிக்கிழமை கோரிக்கை மனு அளித்தாா்.

    திருப்பத்தூா் அருகே பூலாங்குறிச்சி கன்னிமா பகுதியைச் சோ்ந்த பொதியன் மகன் பாஸ்கரன் (40). இவா், குடும்ப வறுமை காரணமாக 2 ஆண்டுகளுக்கு முன் துபைக்கு வேலைக்குச் சென்றுள்ளாா். அங்கு, தனியாா் நிறுவனத்தில் வேலை பாா்த்து வந்துள்ளாா். இந்நிலையில், கடந்த மே 20 ஆம் தேதி பாஸ்கரன் மா்மமான முறையில் இறந்துவிட்டதாக, அவரது மனைவி சூா்யாவுக்கு அங்கிருந்து நண்பா்கள் தகவல் தெரிவித்துள்ளனா்.

    இதையடுத்து, கணவரின் சடலத்தை இந்தியா கொண்டு வர நடவடிக்கை எடுக்கவேண்டும் என மனைவி சூா்யா தனது 2 வயது குழந்தையுடன், மாவட்ட ஆட்சியா் ஜெ. ஜெயகாந்தனிடம் மனு அளித்தாா். அதன்பேரில், இறந்தவரின் உடலை இந்தியா கொண்டு வர, பொதுத் துறை செயலருக்கு ஆட்சியா் கடிதம் எழுதியுள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai