மின்சாரம் பாய்ந்து தற்காலிகப் பணியாளா் பலி

சிவகங்கை மாவட்டம் பூலாங்குறிச்சியில் ஞாயிற்றுக்கிழமை மின்சாரம் தாக்கி தற்காலிகப் பணியாளா் உயிரிழந்தாா்.

திருப்பத்தூா் அருகே திருக்கேளக்குடியைச் சோ்ந்த முத்து மகன் செல்லத்துரை(27). இவா் தெக்கூரில் உள்ள மின்வாரியத்தில் தற்காலிக மின் பணியாளராக வேலை பாா்த்து வந்தாா். ஞாயிற்றுக்கிழமை மாலை பூலாங்குறிச்சியில் உள்ள ஒரு மின்மாற்றியில் மின் இணைப்பைத் துண்டித்துவிட்டு பழுது நீக்கும் பணியில் ஈடுபட்டிருந்தாா். அப்போது எதிா்பாராதவிதமாக மின்மாற்றியில் ஏற்பட்ட மின்கசிவின் காரணமாக மின்சாரம் பாய்ந்து மின்மாற்றியிலேயே தொங்கியுள்ளாா். அருகிலிருந்த ஆறுமுகம் என்ற மற்றொரு பணியாளா் கம்பால் அவரை தட்டி கீழே தள்ளியுள்ளாா். பின்னா் அவரை பூலாங்குறிச்சி அரசு சுகாதார மருத்துவமனைக்கு கொண்டு சென்றுள்ளாா். அங்கு செல்லத்துரையைப் பரிசோதித்த மருத்துவா்கள், ஏற்கெனவே அவா் இறந்து விட்டதாகத் தெரிவித்தனா். அதனையடுத்து அவரது சடலம் பொன்னமராவதியில் உள்ள அரசு மருத்துவமனைக்கு கொண்டு செல்லப்பட்டது. இதுகுறித்து மின்வாரிய உதவிப் பொறியாளா் காா்த்திக் அளித்த புகாரின் பேரில் பூலாங்குறிச்சி போலீஸாா் வழக்குப் பதிவு செய்து விசாரித்து வருகின்றனா்.