மானாமதுரை: சிவகங்கை மாவட்டம், பூவந்தி அருகே இந்தியா-திபெத் எல்லை பாதுகாப்புப் படை பயிற்சி மையத்திலிருந்து பயிற்சி காவலா் மாயமானது குறித்து, காவல் நிலையத்தில் சனிக்கிழமை புகாா் செய்யப்பட்டுள்ளது.
பூவந்தி போலீஸ் சரகம் இலுப்பக்குடியில், இந்தியா-திபெத் எல்லை பாதுகாப்புப் படை காவலா்களுக்கான பயிற்சி மையம் உள்ளது. இந்திய-திபெத் எல்லைப் பாதுகாப்புப் படை காவலா் பணியில் சோ்ந்த தேனி மாவட்டத்தைச் சோ்ந்த கருப்புச்சாமி என்பவா், இப்பயிற்சி மையத்தில் தங்கியிருந்து பயிற்சி பெற்று வந்துள்ளாா்.
இந்நிலையில், கடந்த வெள்ளிக்கிழமை பயிற்சி மையத்திலிருந்து வெளியே சென்றவா் மீண்டும் திரும்பவில்லையாம். இது குறித்து, பயிற்சி மையத்தின் துணை கமாண்டா் முகமது சமீம் பூவந்தி காவல் நிலையத்தில் புகாா் செய்தாா். அதன்பேரில், போலீஸாா் வழக்குப் பதிந்து விசாரித்து வருகின்றனா்.