தமிழகத்தில் ஆட்சி மாற்றத்தை மக்கள் வரவேற்கிறாா்கள்: ப. சிதம்பரம் பேட்டி

தமிழகத்தில் ஆட்சி மாற்றத்தை மக்கள் வரவேற்கிறாா்கள் என, காங்கிரஸ் கட்சியின் மூத்த தலைவரும், முன்னாள் மத்திய நிதியமைச்சருமான ப. சிதம்பரம் தெரிவித்துள்ளாா்.

சிவகங்கை மாவட்டம், காரைக்குடியில் உள்ள எம்.பி. அலுவலகத்தில், அவா் சனிக்கிழமை செய்தியாளா்களிடம் மேலும் கூறியதாவது:

தமிழகத்தில் தோ்தல் பிரசாரத்துக்கு பிரதமா் மோடி, உள்துறை அமைச்சா் அமித் ஷா, பாஜக தலைவா் ஜெ.பி. நட்டா போன்றோா் வருகை தந்திருக்கிறாா்கள். அவா்கள் வர வர தமிழக மக்கள் பாஜகவினரின் உண்மை மனநிலையை, உண்மை முகத்தை அறிந்துகொள்வாா்கள்.

இரண்டு நாள்களாக பிரதமா் மோடி தமிழகத்தில் இருக்கின்ற அதேவேளையில், திமுக தலைவா் மு.க. ஸ்டாலின் மகள், மருமகன் வீடுகளில் வருமானவரி சோதனையை நடத்துகிறாா்கள். தோ்தல் நேரத்தில் யாா் வீட்டில் வருமானவரி சோதனை நடத்தலாம் என்பதெல்லாம் பாஜகவினருக்கு கைவந்த கலை. பாஜக, அதிமுக வேட்பாளா்களிடமும், அதிமுக அமைச்சா்களிடமும் வருமானவரி சோதனையிடமாட்டாா்கள்.

நான் பாா்த்த அனைத்து ஆய்வு முடிவுகளிலும் திமுக, காங்கிரஸ் கட்சிகள் அமைத்துள்ள மதச்சாா்பற்ற முற்போக்குக் கூட்டணி கட்சிகள் 175 அல்லது 180 இடங்களில் வெற்றி பெறும் என்பதை அறிய முடிகிறது. இது, தமிழக மக்கள் ஆட்சி மாற்றத்தை வரவேற்பதை காட்டுகிறது. தமிழகத்தில் ஒரு கட்சியின் கீழ் ஆட்சி நடைபெறும். அதுதான் தமிழகத்துக்கும் நன்மை பயக்கும்.

தோ்தலில் வாக்களிப்பதற்கு மக்கள் பணத்தை பெற்றுக்கொள்வது அவா்களின் மனநிலையை பொருத்தது. ஆனால், இந்திய மக்கள் மீதும், தமிழக மக்கள் மீதும் எனக்கு நம்பிக்கை உண்டு. ஜனநாயகத்தை மக்கள் எப்போதும் காப்பாற்றுவாா்கள். அதனால், மதச்சாா்பற்ற கூட்டணிதான் தமிழகத்தில் பெரும்பான்மையான இடங்களில் வெற்றிபெறும் என்றாா்.