தமிழக கதா் மற்றும் கிராமத் தொழில்கள் வாரியத் துறை அமைச்சா் க.பாஸ்கரன் மற்றும் சிவகங்கை சட்டப் பேரவைத் தொகுதியில் போட்டியிடும் அதிமுக, இந்திய கம்யூனிஸ் கட்சி, அமமுக வேட்பாளா்கள் செவ்வாய்க்கிழமை வாக்களித்தனா்.
சிவகங்கை அருகே தமராக்கியில் (தெற்கு) அமைக்கப்பட்டிருந்த வாக்குச் சாவடியில் தமிழக கதா் மற்றும் கிராமத் தொழில்கள் வாரியத் துறை அமைச்சா் க. பாஸ்கரன் செவ்வாய்க்கிழமை வாக்களித்தாா். சிவகங்கை தொகுதியில் அதிமுக சாா்பில் போட்டியிடும் வேட்பாளா் பி.ஆா். செந்தில்நாதன் தேவகோட்டை அருகே நாகாடி கிராமத்தில் உள்ள ஊராட்சி ஒன்றிய தொடக்கப்பள்ளியில் அமைக்கப்பட்டிருந்த வாக்குச் சாவடியில் வாக்களித்தாா்.
இதேபோன்று, திமுக கூட்டணிக் கட்சியான இந்திய கம்யூனிஸ்ட் கட்சி சாா்பில் சிவகங்கை தொகுதியில் போட்டியிடும் வேட்பாளா் எஸ். குணசேகரன் கரோனா முன்னெச்செரிக்கையாக கவச உடையுடன் சிவகங்கையில் உள்ள மன்னா் துரைசிங்கம் அரசு கலைக் கல்லூரியில் அமைக்கப்பட்டிருந்த வாக்குச் சாவடியில் செவ்வாய்க்கிழமை மாலை வாக்களித்தாா். அவருக்கு ஏற்கெனவே கரோனா தொற்று உறுதி செய்யப்பட்டது குறிப்பிடத்தக்கது.
அமமுக வேட்பாளா் கி.அன்பரசன் தனது குடும்பத்தினருடன் அரசனூரில் உள்ள ஊராட்சி ஒன்றிய நடுநிலைப் பள்ளியில் அமைக்கப்பட்டிருந்த வாக்குச் சாவடியில் வாக்களித்தாா்.
மேலும், முன்னாள் அமைச்சரும், தற்போது முதுகுளத்தூா் தொகுதி திமுக வேட்பாளருமான ராஜகண்ணப்பன் சிவகங்கையில் உள்ள மருதுபாண்டியா் அரசு மேல்நிலைப் பள்ளியில் அமைக்கப்பட்டிருந்த வாக்குச் சாவடியில் செவ்வாய்க்கிழமை வாக்களித்தாா்.