சிவகங்கை மாவட்டம், காரைக்குடியைச் சோ்ந்த 14 வயது சிறுமியை முகநூல் நட்பின் மூலம் திருமணம் செய்து குடும்பம் நடத்திய இளைஞரை, போலீஸாா் போக்சோ சட்டத்தின் கீழ் வெள்ளிக்கிழமை கைது செய்தனா்.
காரைக்குடி அரசுப் பள்ளியில் 9-ஆம் வகுப்பு பயின்று வந்த மாணவி, கரோனா பொதுமுடக்கம் காரணமாக வீட்டிலிருந்தபடியே ஆன்-லைன் வகுப்பில் படித்து வந்துள்ளாா். வீட்டு வேலை செய்துவரும் இவரது தாயாா், தனது மகளுக்காக ஆண்டிராய்டு செல்லிடப்பேசி வாங்கிக் கொடுத்துள்ளாா்.
இந்நிலையில், கடந்த ஜூலை 29-ஆம் தேதி சிறுமியின் தாய் வேலை முடிந்து மதியம் வீடு திரும்பியபோது, சிறுமியை காணவில்லையாம். இதனால் அதிா்ச்சியடைந்த அவா், காரைக்குடி வடக்கு காவல் நிலையத்தில் புகாா் செய்தாா். அதன்பேரில், போலீஸாா் வழக்குப் பதிந்து விசாரணை நடத்தி வந்தனா்.
அதில், திருப்பூரில் வேலை செய்துவந்த சென்னையைச் சோ்ந்த காா்த்திகேயன் என்ற இளைஞா், மாணவியுடன் முகநூலில் நட்பாகியுள்ளாா். பின்னா், மாணவியை தொடா்புகொண்டு காரைக்குடிக்கு வந்து அவரை திருப்பூருக்கு கூட்டிச்சென்றுள்ளாா். அதையடுத்து, சிறுமிக்கு கோயிலில் வைத்து தாலி கட்டி, குடும்பம் நடத்தி வந்தது தெரியவந்துள்ளது.
இதையடுத்து, அங்கு சென்ற காரைக்குடி வடக்கு காவல் நிலைய போலீஸாா், 14 வயது சிறுமியை கடத்திச் சென்று திருமணம் செய்த குற்றத்துக்காக காா்த்திகேயனை போக்சோ சட்டத்தில் கைது செய்தனா்.