மானாமதுரை: சிவகங்கை மாவட்டம், திருப்புவனத்தில் ஒன்றிய, நகர திமுக சார்பில் பேராசியர் க. அன்பழகன் 100 -ஆவது பிறந்த நாள் விழா கொண்டாடப்பட்டது.
இதையொட்டி, திருப்புவனம் நரிக்குடி விலக்குப் பகுதியில் அன்பழகன் உருவப்படத்துக்கு திமுகவினர் மாலை அணிவித்தும், மலர்கள் தூவியும் மரியாதை செலுத்தினர். அதன்பின் பொதுமக்களுக்கு இனிப்புகள் வழங்கப்பட்டது.
சிவகங்கை மாவட்ட திமுக துணைச் செயலாளர் த.சேங்கைமாறன் தலைமையில் நடைபெற்ற இவ் விழாவில் திருப்புவனம் ஒன்றிய திமுக செயலாளர்கள் கடம்பசாமி. வசந்தி சேங்கைமாறன், நகரச் செயலாளர் நாகூர்கனி மற்றும் கழக நிர்வாகிகள் கலந்து கொண்டனர்.