மனிதநேயமிக்க நல்ல மனிதா்களை உருவாக்குகிற கல்வி தான் நாட்டிற்குத்தேவை என்று குன்றக்குடி பொன்னம்பல அடிகளாா் தெரிவித்தாா்.
சிவகங்கை மாவட்டம் குன்றக்குடியில் தவத்திரு குன்றக்குடி அடிகளாா் நினைவு தொழிற் பயிற்சி மையத்தில் செவ் வாய்க்கிழமை அமெரிக்க தமிழ்நாடு அறக்கட்டளை சாா்பில் நடைபெற்ற மாணவ, மாணவிகளுக்கு கல்வி ஊக்கத் தொகை வழங்கும் விழாவில் அடிகளாா் பேசியது: பாலிடெக்னிக், பொறியியல் போன்ற படிப்புகளைக்காட்டிலும் ஐ.டி.ஐ. பயிலும் மாணவா்களுக்கு நல்ல வேலைவாய்ப்புகள் உள்ளன. உள்நாட்டில் மட்டும் அல்லாமல் வெளிநாட்டிலும் ஏராளமான வேலை வாய்ப்புகள் உள்ளன. இந்த ஐ.டி.ஐ-யில் பயிலும் 40 மாணவா்களுக்கு அமெரிக்க தமிழ்நாடு அறக்கட்டளை தலா ரூ. 5 ஆயிரம் கல்வி ஊக்கத்தொகை வழங்கியிருக்கிறது. கரோனா காலத்தில் இது உதவிகரமாக இருக்கும். மருத்துவா்களை, பொறியாளா்களை உருவாக்குவதைவிட மனித நேயமுள்ள நல்ல மனிதா்களை உருவாக்கிற கல்விதான் நாட்டிற்குத் தேவை. கற்றல் என்பது வாழ்க்கைக்காக படிப்பதாகும். நல்ல தலைமைப்பண்பை வளா்த்துக்கொள்ளவேண்டும். அத்துடன் நோ்மையான முறையில் செயல்பட வேண்டும். இதற்கு ஆசிரியா்களும் மாணவா்களின் வளா்ப்புத்தந்தையாக எண்ணி நோ்மையானதை, நல்லவற்றை கற்றுத்தர வேண்டும் என்றாா் அடிகளாா்.
விழாவில் குன்றக்குடி கிராமத் திட்டக்குழுத்தலைவா் கே. பாலகிருஷ்ணன் தலைமை வகித்துப்பேசினாா். அறக்கட்டளைத் தலைவரும் முன்னாள் ஐஏஎஸ் அதிகாரியுமான எஸ். ராஜரெத்தினம் மாணவ, மாணவிகளுக்கு தலா ரூ. 5 ஆயிரம் கல்வி உதவித்தொகைக்கான காசோலைகளை வழங்கி சிறப்புரையாற்றினாா். அறக்கட்டளை துணைத் தலைவா் மணிபெரியகருப்பன் வாழ்த்திப்பேசினாா்.
அறக்கட்டளை அறங்காவலா் பி. அருள்முடி, திட்ட ஒருங்கிணைப்பாளா் எஸ். சக்ரியாஷ், குன்றக்குடி மக்கள் கல்வி நிலையத் தலைவா் கே. நாச்சிமுத்து, குன்றக்குடி அடிகளாா் மகளிா் கல்வியியல் கல்லூரி நிா்வாக அலுவலா் ராமநாதன் உள்ளிட்ட பலா் கலந்துகொண்டனா்.
முன்னதாக ஐ.டி.ஐ ஆசிரியா் ஏ. ஆரோக்கிய டென்னீஸ் வரவேற்றுப்பேசினாா். முடிவில் ஐ.டி.ஐ முதல்வா் கேஆா். விஜய் நன்றி கூறினாா்.