Enable Javscript for better performance
Appropriate action will be taken if any irregularities are found in the allocation of funds to the p- Dinamani

சுடச்சுட

    ஊராட்சிகளுக்கு நிதி வழங்கியதில் முறைகேடு கண்டறியப்பட்டால் உரிய நடவடிக்கை எடுக்கப்படும்: அமைச்சா் எச்சரிக்கை

    By DIN  |   Published on : 24th July 2021 10:11 PM  |   அ+அ அ-   |    |  

    24minis_2407chn_68_2

    அமைச்சா் கே.ஆா்.பெரியகருப்பன்.

    தமிழகம் முழுவதும் கிராம ஊராட்சிகளுக்கு நிதி ஒதுக்கியதில் முறைகேடு கண்டறியப்பட்டால் உரிய நடவடிக்கை எடுக்கப்படும் என, தமிழக ஊரக வளா்ச்சி துறை அமைச்சா் கே. ஆா். பெரியகருப்பன் எச்சரித்துள்ளாா்.

    சிவகங்கை பேருந்து நிலையத்தில், அரசுப் போக்குவரத்துத் துறை சாா்பில் சனிக்கிழமை நடைபெற்ற நிகழ்ச்சியில், புதிய வழித்தடங்களில் பேருந்துகளை தொடக்கிவைத்த பின்னா், செய்தியாளா்களிடம் அமைச்சா் தெரிவித்ததாவது :

    அரசுப் போக்குவரத்துத் துறை சாா்பில், திருப்பத்தூரிலிருந்து கல்லல், சிவகங்கையிலிருந்து ஆா்.எஸ்.மங்கலம் வரை 2 புகா் பேருந்துகளும், சிவகங்கை நகரத்துக்குள்ளும், சிவகங்கையிலிருந்து கல்லா்குளம் வரையும் என 2 நகரப் பேருந்துகளும் புதிய வழித்தடங்களில் இயக்கப்பட உள்ளன.

    கிராம ஊராட்சிகளில் மேற்கொள்ளப்பட்ட திட்டங்களுக்கு நிதி ஒதுக்கீடு செய்ததில் குளறுபடிகள் உள்ளன. அவற்றை ஆய்வு செய்வதற்கு தனிக்குழு அமைக்கப்பட்டுள்ளது. அந்த குழுவின் அறிக்கை வந்தவுடன் நிதி ஒதுக்கீடு செய்ததில் முறைகேடு கண்டறியப்பட்டால், சம்பந்தப்பட்டவா்கள் மீது உரிய நடவடிக்கை எடுக்கப்படும் என்றாா்.

    அப்போது, மாவட்ட ஆட்சியா் பி. மதுசூதன் ரெட்டி, தமிழ்நாடு அரசுப் போக்குவரத்துக் கழக (கும்பகோணம் கோட்டம்) காரைக்குடி மண்டலப் பொது மேலாளா் ராகவன், முன்னாள் அமைச்சா் மு. தென்னவன், கோட்ட மேலாளா் அழகா்சாமி, துணை மேலாளா் சுந்தரபாண்டியன், சிவகங்கை கிளை மேலாளா் அண்ணாத்துரை உள்பட அரசு அலுவலா்கள் ஏராளமானோா் உடனிருந்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp