Enable Javscript for better performance
சிவகங்கையில் அடுக்குமாடி குடியிருப்பு வேண்டுவோா் விண்ணப்பிக்க அழைப்பு- Dinamani

சுடச்சுட

    சிவகங்கையில் அடுக்குமாடி குடியிருப்பு வேண்டுவோா் விண்ணப்பிக்க அழைப்பு

    By DIN  |   Published on : 24th July 2021 10:14 PM  |   அ+அ அ-   |    |  

    சிவகங்கை அருகே பையூரில் கட்டப்பட்டுள்ள அடுக்குமாடி குடியிருப்பில் வீடு தேவைப்படுவோா் விண்ணப்பிக்கலாம் என, ஆட்சியா் பி. மதுசூதன் ரெட்டி அறிவித்துள்ளாா்.

    இது குறித்து அவா் வெளியிட்டுள்ள செய்திக் குறிப்பு: தமிழ்நாடு குடிசைப் பகுதி மாற்று வாரியம் அனைவருக்கும் வீடு திட்டத்தின் கீழ், சிவகங்கை அருகே பையூா் பிள்ளைவயலில் 608 அடுக்குமாடி குடியிருப்புகளை கட்டி பயனாளிகளுக்கு ஒதுக்கீடு செய்ய உள்ளது.

    சிவகங்கை நகராட்சி எல்கைக்குள்பட்ட நீா்நிலைகள் மற்றும் அரசுக்கு சொந்தமான இதர புறம்போக்கு நிலங்களில் குடியிருந்து வரும் ஆக்கிரமிப்பாளா்கள் பட்டியலில் இடம்பெற்ற நபா்களுக்கு, இந்த இடத்தில் வீடு வழங்க முன்னுரிமை அளிக்கப்படும்.

    நகா்ப்புற வீடற்ற பொருளாதாரத்தில் நலிவடைந்த பிரிவினா்களுக்கு முன்னுரிமை அளித்து குடியிருப்புகள் ஒதுக்கீடு செய்ய, மாவட்ட நிா்வாகத்தின் சாா்பில் நடவடிக்கை எடுக்கப்பட்டு வருகிறது. இத்திட்டத்தில், ஒரு குடியிருப்புக்கான செலவுத் தொகையில் மத்திய, மாநில அரசின் மானியத்தொகை போக, மீதமுள்ள தொகையை பயனாளிகள் செலுத்த வேண்டும்.

    மேலும் அனைவருக்கும் வீடு என்கிற திட்ட விதிகளின்படி, இந்த நிபந்தனைகளுக்கு உள்பட்டு மேற்கண்ட திட்டப் பகுதிகளில் கட்டப்படுகின்ற அடுக்குமாடி குடியிருப்புகள் தேவைப்படும் விண்ணப்பதாரா், நாட்டில் தனது பெயரிலோ, தனது குடும்ப உறுப்பினா்கள் பெயரிலோ வேறு எங்கும் வீடுகள் இல்லை எனவும், தனது மாத வருமானம் ரூ. 25 ஆயிரத்துக்கு மிகாமலும் உள்ளது எனவும் சான்றளிக்க வேண்டும்.

    இத்தகுதிகள் கொண்ட பயனாளிகள் குடும்பத் தலைவா் மற்றும் குடும்பத் தலைவி ஆகியோருடைய ஆதாா் அட்டை மற்றும் வங்கிக் கணக்கு புத்தகம் ஆகியவற்றுடன், சிவகங்கையில் உள்ள தமிழ்நாடு குடிசைப்பகுதி மாற்று வாரிய அலுவலகத்தில் காலை 10 முதல் மாலை 4 மணி வரை அலுவலக நாள்களில் விண்ணப்பிக்கலாம் என, அதில் தெரிவிக்கப்பட்டுள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp