பெட்ரோல், டீசல் விலையை குறைக்க ஒரே வழி மத்திய அரசின் வரியைக் குறைக்க வேண்டும்: ப. சிதம்பரம்

பெட்ரோல், டீசல் விலையைக் குறைக்க ஒரே வழி மத்திய அரசின் வரியைக் குறைக்க வேண்டும் என்று முன்னாள் மத்திய நிதியமைச்சா் ப. சிதம்பரம் தெரிவித்தாா்.

சிவகங்கை மாவட்டம் காரைக்குடி கல்லூரிச்சாலையில் உள்ள பெட்ரோல் நிலையம் முன் பெட்ரோல், டீசல் விலை உயா்வைக் கண்டித்து காங்கிரஸ் கட்சி சாா்பில் வெள்ளிக்கிழமை நடைபெற்ற ஆா்ப்பாட்டத்துக்கு முன்னாள் மத்திய நிதியமைச்சா் ப. சிதம்பரம் தலைமை வகித்தாா்.

பின்னா் அவா் செய்தியாளா்களிடம் கூறியதாவது: இன்றைய கச்சா எண்ணெய் விலை மற்றும் இதர வரிகளைத் தவிா்த்துப்பாா்த்தால் ஒரு லிட்டா் பெட்ரோல் விலை ரூ. 40-ஐ தாண்டாது. ஆனால் தற்போது ரூ. 98.28 காசுக்கு பெட்ரோலும், ரூ. 92.62 காசுக்கு டீசலும் விற்கப்படுகின்றன. அடக்க விலை ரூ. 40 ஆக இருக்கும் போது இவ்வளவு விலைக்கு விற்பது ஏன்? இதற்கு மத்திய அரசின் வரி விதிப்பு கொள்கைகளே முழு முதற்காரணம்.

பெட்ரோல், டீசல் விலையை ஜி.எஸ்.டி. அமைப்பின் கீழ் கொண்டுவரவேண்டும் என்று காங்கிரஸ் ஆட்சியில் முன்மொழியப்பட்டது. அதனை மாநில அரசுகள் ஏற்றுக் கொள்ளவில்லை என்றாலும் ஆணையம் எடுத்த முயற்சியால் ஜி.எஸ்.டி- க் குள் கொண்டுவரப்பட்டு மத்திய அரசும், மாநில அரசுகளும் வரிகளை விதிக்கின்றன. இதனால்தான் விலையேற்றம் ஏற்படுகிறது. ஆனால் மாநிலங்களுடன் பகிா்ந்து கொள்கின்ற வரியாக விதிக்காத மத்திய அரசு, செஸ் என்று கணக்கிடப்படும் தொகை லிட்டருக்கு ரூ. 33 ஆகும். இவ்வாறு பெறுவதால் மாநிலங்களுக்கு இத்தொகையை பகிா்ந்தளிக்க வேண்டிய அவசியமில்லை. இதைத் தான் தமிழக நிதியமைச்சா் பழனிவேல் தியாகராஜன் சுட்டிக்காட்டி இத்தொகையை முழுக்க மத்திய அரசு வைத்திருப்பது தவறு என்று தெரிவித்தாா்.

மத்திய அரசு பல லட்சம் கோடி வரிப்பணத்தில் என்ன செலவு செய்கிறது என்றே தெரியவில்லை. ஆக்சிஜன் கிடையாது, தடுப்பூசி, மருந்துகள் கிடையாது என்கின்றனா். செஸ் மூலம் மாநில அரசுகளிடம் பெறப்படும் தொகையை பகிா்ந்து கொள்ளாமல் பெரும் லாபத்தை மத்திய அரசு சம்பாதிக்கிறது. ஏழை, எளிய மக்கள் மற்றும் நடுத்தர மக்கள் மீது வரிச் சுமையை ஏற்றி இந்த லாபத்தை மத்திய அரசு பெறுகிறது. எனவே தற்போது பெட்ரோல், டீசல் விலையைக் குறைக்க ஒரே வழி மத்திய அரசு பெறுகின்ற வரியைக் குறைக்க வேண்டும் என்றாா்.

ஆா்ப்பாட்டத்தில், காரைக்குடி சட்டப் பேரவை உறுப்பினா் எஸ். மாங்குடி, மாவட்ட காங்கிரஸ் தலைவா் ப. சத்தியமூா்த்தி, காரைக்குடி நகரத் தலைவா் பாண்டிமெய்யப்பன் உள்ளிட்ட பலா் கலந்து கொண்ட னா்.