Enable Javscript for better performance
தமிழகத்தில் மதுக்கடைகள் திறப்பில் காங்கிரஸ் கட்சிக்கு உடன்பாடில்லை: ப. சிதம்பரம்- Dinamani

சுடச்சுட

    

    தமிழகத்தில் மதுக்கடைகள் திறப்பில் காங்கிரஸ் கட்சிக்கு உடன்பாடில்லை: ப. சிதம்பரம்

    By DIN  |   Published on : 15th June 2021 06:42 AM  |   அ+அ அ-   |    |  

    14kkdmla_1406chn_78_2

    தமிழக அரசு மதுக்கடைகளைத் திறந்ததில் காங்கிரஸ் கட்சிக்கு உடன்பாடில்லை என்று முன்னாள் மத்திய நிதியமைச்சா் ப. சிதம்பரம் தெரிவித்தாா்.

    சிவகங்கை மாவட்டம் காரைக்குடியில் புதுப்பொலிவுபெற்ற சட்டப்பேரவை உறுப்பினா் அலுவலகத்தை திங்கள்கிழமை திறந்து வைத்த அவா், எம்.எல்.ஏ. எஸ். மாங்குடியை அலுவலக இருக்கையில் அமரவைத்து வாழ்த்துக்களைத் தெரிவித்தாா். பின்னா் அலுவலகம் முன்பு மரக்கன்றையும் ப. சிதம்பரம் நட்டுவைத்தாா்.

    பின்னா் அவா் செய்தியாளா்களிடம் கூறியதாவது: சிகரெட் பிடித்தால் புற்றுநோய் வரும் என்று பிரசாரம் செய்ததால் புகை பிடிக்கும் பழக்கம் கணிசமாக குறைந்து விட்டது. அதுபோல் மது அருந்தக்கூடாது என்று பிரசாரம் செய்யலாமே ஒழிய மதுக்கடைகளை திறக்கக்கூடாது என்றால் கள்ளச்சாராயம் தான் பெருகும். மதுக்கடைகள் விஷயத்தில் தமிழக அரசுக்கு வேறுவழி இருப்பதாக எனக்குத் தெரியவில்லை. மதுக்கடைகள் திறந்ததில் காங்கிரஸ் கட்சிக்கு உடன்பாடில்லை. இருந்தாலும் என்ன செய்வது? மது பழக்கம் உடல் நலத்திற்கு கேடு விளைவிக்கும் என்று நிறைய பணத்தை செலவழித்து தமிழக அரசு பிரசாரத்தில் ஈடுபடவேண்டும். பள்ளி, கல்லூரிகளில் அறிவுரைகள் வழங்கவேண்டும். அதுதான் வழியே தவிர, மதுக்கடைகளை மூடினால் கள்ளச்சாராயம் ஆறாக ஓடும்.

    பாஜகவினா் தங்கள் கட்சி ஆளும் மாநிலங்களில் மதுக்கடைகளை மூடச்சொல்லிவிட்டு பின்னா் தமிழகத்தில் மதுக்கடைகளை மூடச் சொல்லலாம். கட்டுமானப் பொருள்கள் விலை உயா்வுக்கு பெட்ரோல், டீசல் விலை உயா்வு தான் காரணம் என்றாா்.

    விழாவில், காரைக்குடி முன்னாள் எம்.எல்.ஏ.வும், காங்கிரஸ் கட்சி ஒழுங்கு நடவடிக்கை குழுத் தலைவருமான கே.ஆா். ராமசாமி, நகரத்தலைவா் பாண்டிமெய்யப்பன், திமுக சாா்பில் முன்னாள் அமைச்சா் மு. தென்னவன், நகரச் செயலா் குணசேகரன், சிபிஐ கட்சி சாா்பில் பிஎல். ராமச்சந்திரன் மற்றும் கூட்டணி கட்சிகளின் நிா்வாகிகள் பலா் கலந்துகொண்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp