அமைச்சருக்கு மீண்டும் போட்டியிட வாய்ப்பு இல்லை: சிவகங்கையில் ஆதரவாளா்கள் தீக்குளிக்க முயற்சி

சிவகங்கை: சிவகங்கை சட்டப்பேரவைத் தொகுதியில் அமைச்சா் க. பாஸ்கரன் மீண்டும் போட்டியிட அதிமுக தலைமை வாய்ப்பு வழங்காததைக் கண்டித்து, அவரது ஆதரவாளா்கள் வியாழக்கிழமை தீக்குளிக்க முயன்ால் பரபரப்பு ஏற்பட்டது.

கடந்த 2016 ஆம் ஆண்டு நடைபெற்ற சட்டப்பேரவைத் தோ்தலில் அதிமுக சாா்பில் சிவகங்கை பேரவைத் தொகுதியில் போட்டியிட்ட க.பாஸ்கரன் வெற்றி பெற்று, தமிழக கதா் மற்றும் கிராமத் தொழில்கள் வாரியத் துறை அமைச்சராக உள்ளாா். இந்நிலையில், நடைபெறவுள்ள சட்டப்பேரவைத் தோ்தலில் அதிமுக சாா்பில் சிவகங்கை தொகுதியில், அமைச்சராக உள்ள க.பாஸ்கரனுக்கு மீண்டும் போட்டியிட வாய்ப்பு வழங்கவில்லை. இதனால் ஆத்திரமடைந்த அவரது ஆதரவாளா்கள் சிவகங்கை அரண்மனை முன்பாக வியாழக்கிழமை போராட்டத்தில் ஈடுபட்டனா். மேலும் போராட்டத்தில் ஈடுபட்ட சிலா் தீக்குளிக்க முயற்சி செய்தனா். இதுபற்றி தகவலறிந்த சிவகங்கை நகா் காவல் துறையினா் அங்கு வந்து மண்ணெண்ணெய் கேன்களை கைப்பற்றி, அவா்களைத் தடுத்து நிறுத்தினா். மேலும் போராட்டத்தில் ஈடுபட்டவா்களிடம் பேச்சுவாா்த்தை நடத்தி கலைந்து செல்லுமாறு போலீஸாா் அறிவுறுத்தினா். ஆனால் அவா்கள் அனைவரும் நீண்ட நேர போராட்டத்துக்குப் பிறகு கலைந்து சென்றனா்.