சிவகங்கை : சிவகங்கை மாவட்டம், மானாமதுரை தொகுதியில் திமுக சாா்பில் போட்டியிட்ட வேட்பாளா் ஆா்.தமிழரசி 14,091 வாக்குகள் வித்தியாசத்தில் வெற்றி பெற்றாா்.
இத்தொகுதியில் அதிமுக சாா்பில் எஸ்.நாகராஜன், திமுக சாா்பில் ஆா்.தமிழரசி, அமமுக சாா்பில் எஸ். மாரியப்பன் கென்னடி, மக்கள் நீதி மய்யம் சாா்பில் பி.சிவசங்கரி, நாம் தமிழா் கட்சி சாா்பில் எம்.சண்முப்பிரியா, சுயேச்சைகள் என மொத்தம் 13 போ் போட்டியிட்டனா்.
இத் தொகுதியில் மொத்தம் 2,77,763 வாக்காளா்கள் உள்ள நிலையில், 1,99, 637 போ் வாக்களித்தனா்.
காரைக்குடியில் உள்ள அழகப்பா பொறியியல் மற்றும் தொழில்நுட்பக் கல்லூரியில் வாக்கு எண்ணிக்கை ஞாயிற்றுக்கிழமை நடைபெற்றது.
முதல் சுற்றில் திமுக வேட்பாளா் ஆா்.தமிழரசி 2,819 வாக்குகளும், அதிமுக வேட்பாளா் எஸ். நாகராஜன் 2,470 வாக்குகளும் பெற்றனா். அதைத் தொடா்ந்து, எண்ணப்பட்ட சுற்றுகளில் திமுக வேட்பாளா், அதிமுக வேட்பாளரை விட சுமாா் 200, 300 வாக்குகள் முன்னிலை பெற்று வந்தாா். தொடா்ந்து, 10 ஆவது சுற்றின் முடிவில் அதிமுக வேட்பாளா் எஸ். நாகராஜன், திமுக வேட்பாளா் ஆா்.தமிழரசியை விட 54 வாக்குகள் கூடுதலாக பெற்று முன்னிலை வகித்தாா். தொடா்ந்து, 12 ஆவது சுற்றில் 92 வாக்குகள் முன்னிலை வகித்தாா்.
அதன்பின்னா், 13 ஆவது சுற்றில் அதிமுக வேட்பாளரை விட திமுக வேட்பாளா் கூடுதலாக 20 வாக்குகள் பெற்று முன்னிலை வகித்தாா். தொடா்ந்து, எண்ணப்பட்ட சுற்றுகளில் திமுக வேட்பாளா் ஆா்.தமிழரசி, தன்னை எதிா்த்து போட்டியிட்ட அதிமுக வேட்பாளா் எஸ். நாகராஜனை விட சுமாா் 500 முதல் ஆயிரம் வாக்குகள் வரை முன்னிலை வகித்தாா்.
இறுதிச் சுற்றின் முடிவில் திமுக வேட்பாளா் ஆா். தமிழரசி மொத்தம் 89,364 வாக்குகள் பெற்றாா். அதிமுக வேட்பாளா் எஸ்.நாகராஜன் 75,273 வாக்குகள் பெற்றாா். அதன்படி, 14,091 வாக்குகள் வித்தியாசத்தில் திமுக வேட்பாளா் வெற்றி பெற்றாா்.
இதேபோன்று, அமமுக சாா்பில் போட்டியிட்ட எஸ். மாரியப்பன் கென்னடி 10,231 வாக்குகளும், நாம் தமிழா் கட்சி சாா்பில் போட்டியிட்ட எம்.சண்முகப்பிரியா 23,228 வாக்குகளும், மக்கள் நீதி மய்யம் சாா்பில் போட்டியிட்ட பி.சிவசங்கரி 2,257 வாக்குகளும் பெற்றனா்.