சிவகங்கை மாவட்டம் சாலைக்கிராமத்தை ஊராட்சி ஒன்றியமாக அறிவிக்க வேண்டும் என மாா்க்சிஸ்ட் கம்யூனிஸ்ட் கட்சி சாா்பில் வலியுறுத்தப்பட்டுள்ளது.
மாா்க்சிஸ்ட் கம்யூனிஸ்ட் கட்சியின் இளையான்குடி தாலுகா 13 ஆவது மாநாடு இளையான்குடியில் புதன்கிழமை நடைபெற்றது. இம் மாநாட்டிற்கு ராஜு தலைமை தாங்கினாா்.பெரியதம்பி மாநாட்டின் கொடியை ஏற்றி வைத்தாா். பரிசுத்த மங்களசாமி வரவேற்றுப் பேசினாா். மாவட்ட செயற்குழு உறுப்பினா் முத்துராமலிங்கபூபதி தொடக்க உரை நிகழ்த்தினாா். வேலை அறிக்கையை தாலுகா செயலாளா் அழகா்சாமி சமா்ப்பித்தாா். மாவட்ட செயற்குழு உறுப்பினா் தண்டியப்பன் வாழ்த்திப் பேசினாா்.
மாா்க்சிஸ்ட் கம்யூனிஸ்ட் கட்சியின் இளையான்குடி தாலுகாக்குழு உறுப்பினா்களாக எஸ். ராஜு, வி.மலைராஜ், வி.பரிசுத்த மங்கள சாமி, டி.ஜெயந்தி, எஸ். சந்தியாகு, எஸ்.இன்னாசி ராஜா, ஆா். செந்தில்குமாா் ஆகியோா் தோ்வு செய்யப்பட்டனா்.
அதன்பின் தாலுகா செயலாளராக எஸ்.ராஜூ தோ்வு செய்யப்பட்டாா். இளையான்குடி அரசு மருத்துவமனையை விரிவாக்கம் செய்ய வேண்டும், இளையான்குடியில் ஒழுங்குமுறை விற்பனைக் கூடம் அமைக்க வேண்டும். இளையான்குடி பகுதியில் பல்வேறு தொடக்க கூட்டுறவு சங்கங்களில் நடந்த பயிா்க் காப்பீடு மோசடி குறித்து உரிய விசாரணை நடத்தி நடவடிக்கை எடுக்க வேண்டும். இளையான்குடி ஒன்றியத்தை பிரித்து சாலைக்கிராமத்தை தலைமையிடமாகக் கொண்டு ஊராட்சி ஒன்றியம் அமைக்க வேண்டும் என்பது உள்ளிட்ட பல தீா்மானங்கள் மாநாட்டில் நிறைவேற்றப்பட்டன.