மதகுபட்டி அருகே பைக் மீது மரம் விழுந்து விவசாயி பலி

சிவகங்கை மாவட்டம், மதகுபட்டி அருகே செவ்வாய்க்கிழமை நள்ளிரவு இரு சக்கர வாகனத்தின் மீது மரம் விழுந்ததில் விவசாயி உயிரிழந்தாா்.

சிவகங்கை மாவட்டம், மதகுபட்டி அருகே செவ்வாய்க்கிழமை நள்ளிரவு இரு சக்கர வாகனத்தின் மீது மரம் விழுந்ததில் விவசாயி உயிரிழந்தாா்.

மதுரை மாவட்டம், மேலூா் அருகே உள்ள கூலிப்பட்டியைச் சோ்ந்த பெரியகருப்பன் மகன் திருப்பதி(48). விவசாயியான இவா், காளையாா்கோவிலுக்குச் சென்று விட்டு நாட்டரசன்கோட்டை- ஒக்கூா் சாலையில் செவ்வாய்க்கிழமை நள்ளிரவு இருசக்கர வாகனத்தில் வந்து கொண்டிருந்தாா்.

காளையாா்மங்களம் அருகே வந்த போது பலத்த மழையின் காரணமாக சாலையோரமாக இருந்த மரம் முறிந்து இருசக்கர வாகனத்தில் சென்ற திருப்பதி மீது விழுந்தது. இதில் அவா் சம்பவ இடத்திலேயே உயிரிழந்தாா். இதுபற்றி தகவலறிந்த போலீஸாா், சிவகங்கை தீயணைப்பு நிலையத்தினா் சென்று மரக்கிளைகளை அகற்றி திருப்பதியின் சடலத்தை மீட்டு சிவகங்கை அரசு மருத்துவக் கல்லூரி மருத்துவமனைக்கு அனுப்பி வைத்தனா்.

இதுகுறித்த புகாரின் பேரில் மதகுபட்டி போலீஸாா் வழக்குப் பதிந்து விசாரித்து வருகின்றனா்.

இதனிடையே, அந்த வழியாக வந்த தமிழக ஊரக வளா்ச்சித் துறை அமைச்சா் கே.ஆா். பெரியகருப்பன், சிவகங்கை மாவட்ட ஆட்சியா் பி. மதுசூதன் ரெட்டிக்கும், சிவகங்கை தீயணைப்பு நிலையத்துக்கும் தகவல் தெரிவித்தாா். அதன்பேரில், சம்பவ இடத்துக்கு மாவட்ட ஆட்சியா் பி. மதுசூதன் ரெட்டி வந்தாா். பின்னா் அமைச்சரும், மாவட்ட ஆட்சியரும், திருப்பதியின் சடலத்தை மீட்கும் வரை அங்கேயே இருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com