சிவகங்கை மாவட்டம், காளையாா்கோவில் வட்டாட்சியா் உள்ளிட்ட வருவாய்த் துறையினரைக் கண்டித்து, ஆ. கருங்குளத்தைச் சோ்ந்த பொதுமக்கள் புதன்கிழமை சாலை மறியல் போராட்டத்தில் ஈடுபட்டனா்.
ஆ.கருங்குளம் கிராமத்தில் மாவட்ட ஆட்சியா் பி. மதுசூதன் ரெட்டி உத்தரவின் பேரில் ஆக்கிரமிப்புகள் அகற்றும் பணி நடைபெற்று வருகிறது. இதில், காளையாா்கோவில் வட்டாட்சியா் உள்ளிட்ட வருவாய்த் துறை அலுவலா்கள் பாரபட்சமின்றி ஆக்கிரமிப்புகளை அகற்றவில்லையாம். ஒரு சிலரது நிலங்கள் அகற்றப்படாமல் உள்ளதாம். இதனால் ஆத்திரமடைந்த அப்பகுதி பொதுமக்கள் மதுரை- தொண்டி சாலையில் பள்ளிதம்மம் அருகே சாலை மறியல் போராட்டத்தில் புதன்கிழமை ஈடுபட்டனா். இதுபற்றி தகவலறிந்த காளையாா்கோவில் போலீஸாா் விரைந்து வந்து அவா்களிடம் பேச்சுவாா்த்தை நடத்தினா்.
இதில் மாவட்ட ஆட்சியா் கவனத்துக்கு எடுத்துச் செல்லப்பட்டு பிரச்னைக்கு நிரந்தர தீா்வு காணப்படும் என தெரிவித்ததை அடுத்து அனைவரும் கலைந்து சென்றனா். இதனால் அந்த பகுதியில் சுமாா் ஒரு மணி நேரம் போக்குவரத்து பாதிக்கப்பட்டது.