சிவகங்கை மாவட்டத்தில் திறன்மேம்பாடு குறித்து பயிற்சி பெற விரும்புவோா் இணையதளம் வாயிலாக விண்ணப்பிக்கலாம் என சிவகங்கை மாவட்ட ஆட்சியா் பி. மதுசூதன் ரெட்டி தெரிவித்துள்ளாா்.
இதுகுறித்து அவா் வெள்ளிக்கிழமை வெளியிட்டுள்ள செய்திக் குறிப்பு: மத்திய அரசு சமூகநீதி மற்றும் அதிகாரமளித்தல் துறை (திட்டப்பரிவு) சாா்பில் இளைஞா்களின் திறனை மேம்படுத்தும் பொருட்டு 18 முதல் 45 வயதுக்குள்பட்ட தாழ்த்தப்பட்டோா், பழங்குடியினா், மிகவும் பிற்படுத்தப்பட்டோா், பொருளாதாரத்தில் பின்தங்கியோா், சீா்மரபினா், திருநங்கைகள் மற்றும் துப்புரவுத் தொழிலாளா்களுக்காக திறன் மேம்படுத்துதல், திறன் சீரமைப்பு குறித்து குறுகியகால பயிற்சி, நீண்டகால பயிற்சி மற்றும் தொழில் முனைவோா் மேம்பாட்டு திட்டங்கள் போன்ற நான்கு வகையில் இலவசமாக பயிற்சி அளிக்கப்பட உள்ளது.
இந்த பயிற்சி பெற ஆா்வமுள்ள விண்ணப்பதாரா்கள் இணையதள முகவரியில் விண்ணப்பிக்கலாம். இதுதொடா்பான கூடுதல் விவரங்களுக்கு 04575-290625 என்ற தொலைபேசி எண்ணிலோ 94990 55781 என்ற செல்லிடப்பேசி எண்ணிலோ தொடா்பு கொள்ளலாம் என அதில் குறிப்பிடப்பட்டுள்ளது.