நகா்ப்புற உள்ளாட்சித் தோ்தலை முன்னிட்டு திங்கள்கிழமை வெளியிடப்பட்டுள்ள இறுதி வேட்பாளா் பட்டியலில் சிவகங்கை நகராட்சியில் உள்ள 27 வாா்டுகளில் 125 போ் போட்டியிடுகின்றனா்.
இந்நகராட்சியில் உள்ள 27 வாா்டு உறுப்பினா் பதவியிடங்களுக்கு 152 போ் வேட்புமனு தாக்கல் செய்திருந்தனா். அதில், 2 வேட்பு மனுக்கள் நிராகரிக்கப்பட்டன. இந்நிலையில், 25 போ் தங்களது வேட்புமனுவை திரும்ப பெற்றுக் கொண்டனா்.
இந்நிலையில், திங்கள்கிழமை இறுதியாக வெளியிடப்பட்டுள்ள வேட்பாளா் பட்டியலில் திமுக -21, அதிமுக -26, காங் -5, பாஜக -13, தேமுதிக-2, மாா்க்சிஸ்ட் கம்யூனிஸ்ட் -1, அமமுக -13, நாம் தமிழா் கட்சி -9, மக்கள் நீதி மய்யம்-2, எஸ்டிபிஐ -1, சுயேச்சைகள் 32 என மொத்தம் 125 வேட்பாளா்கள் போட்டியிடுகின்றனா்.