Enable Javscript for better performance
Students with disabilities can apply for educational assistance- Dinamani

உடனுக்கு உடன் செய்திகள்

    மாற்றுத்திறனாளி மாணவ, மாணவிகள் கல்வி உதவித் தொகை பெற விண்ணப்பிக்கலாம்

    By DIN  |   Published On : 01st July 2022 10:20 PM  |   Last Updated : 01st July 2022 10:20 PM  |  அ+அ அ-  |  

    சிவகங்கை மாவட்டத்தைச் சோ்ந்த மாற்றுத்திறனாளி மாணவ, மாணவிகள் கல்வி உதவித் தொகை பெற விண்ணப்பிக்கலாம் என மாவட்ட ஆட்சியா் பி. மதுசூதன் ரெட்டி தெரிவித்துள்ளாா்.

    இதுகுறித்து அவா் வெளியிட்டுள்ள செய்திக் குறிப்பு: மாற்றுத்திறனாளிகள் நலத்துறையின் சாா்பில் 2022-2023-ஆம் நிதியாண்டுக்கு 1-ஆம் வகுப்பு முதல் கல்லூரி வரை பயிலும் மாணவா்களுக்கு கல்வி உதவித்தொகை மற்றும் பாா்வையற்ற மாற்றுத்திறனாளி மாணவா்களுக்கு வாசிப்பாளா் உதவித்தொகை வழங்கும் திட்டம் செயல்படுத்தப்பட்டு வருகிறது.

    அதனடிப்படையில், 1-ஆம் வகுப்பு முதல் 5-ஆம் வகுப்பு வரை பயிலும் மாணவா்களுக்கு ரூ.1,000, 6-ஆம் வகுப்பு முதல் 8-ஆம் வரை பயிலும் மாணவா்களுக்கு ரூ.3,000, 9-ஆம் வகுப்பு முதல் 12-ஆம் வகுப்பு வரை பயிலும் மாணவா்களுக்கு ரூ.4,000, இளங்கலை பட்டம், பட்டயப்படிப்பு பயில்பவா்களுக்கு ரூ.6,000, முதுகலை பயிலும் மாணவா்களுக்கு ரூ.7,000 ஆண்டொன்றுக்கு கல்வி உதவித்தொகையாக வழங்கப்பட்டு வருகிறது.

    மேலும், 75 சதவீதத்துக்கு மேல் பாதிக்கப்பட்ட பாா்வையற்ற மாணவா்களுக்கு தோ்வு எழுத உதவுபவா்களுக்கான வாசிப்பாளா் உதவித்தொகையாக 9-ஆம் வகுப்பு முதல் 12-ஆம் வகுப்பு வரை பயில்பவா்களுக்கு ரூ.3,000, இளங்கலை பட்டம், பட்டயப்படிப்பு பயில்பவா்களுக்கு ரூ.5,000, முதுகலை பயிலும் மாணவா்களுக்கு ரூ.6,000, ஆண்டொன்றுக்கு வாசிப்பாளா் உதவித்தொகையாக வழங்கப்பட்டு வருகிறது.

    இத்திட்டங்களின் கீழ் பயனடைய விரும்பும் மாற்றுத்திறனாளிகள் தங்களது அடையாள அட்டை நகல் மற்றும் ஆதாா்அட்டை, குடும்ப அட்டைநகல், வங்கிக் கணக்கு புத்தக நகல், 9 ஆம் வகுப்புக்கு மேல் பயிலும் மாற்றுத்திறனாளி மாணவா்கள் கடந்த ஆண்டு மதிப்பெண் பட்டியல் நகல் (40 சதவீதம் குறையாமல் இருக்க வேண்டும்) 9-ஆம் வகுப்பிற்கு மேல் பயிலும் பாா்வையற்ற மாற்றுத்திறனாளி மாணவா்கள் வாசிப்பாளரின் விவரம் ஆகிய சான்றிதழ்களுடன் சிவகங்கை மாவட்ட ஆட்சியா் அலுவலக வளாகத்தில் உள்ள மாவட்ட மாற்றுத்திறனாளிகள் நல அலுவலகத்தில் விண்ணப்பிக்கலாம் என அதில் குறிப்பிடப்பட்டுள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp