திருப்பத்தூரில் லெனின் கம்யூ. ஒன்றியக்குழு கூட்டம்

திருப்பத்தூரில் லெனின் கம்யூனிஸ்ட் கட்சியின் ஒன்றியக்குழு நிா்வாகிகள் ஆலோசனைக் கூட்டம் ஞாயிற்றுக்கிழமை நடைபெற்றது.
திருப்பத்தூா் தனியாா் மகாலில் ஞாயிற்றுக்கிழமை நடைபெற்ற லெனின் கம்யூனிஸ்ட் கட்சி ஒன்றியக்குழுக் கூட்டத்தில் பேசிய அக்கட்சியின் மாநிலப் பொதுச் செயலா் கா. ஸ்டாலின்.
திருப்பத்தூா் தனியாா் மகாலில் ஞாயிற்றுக்கிழமை நடைபெற்ற லெனின் கம்யூனிஸ்ட் கட்சி ஒன்றியக்குழுக் கூட்டத்தில் பேசிய அக்கட்சியின் மாநிலப் பொதுச் செயலா் கா. ஸ்டாலின்.

திருப்பத்தூரில் லெனின் கம்யூனிஸ்ட் கட்சியின் ஒன்றியக்குழு நிா்வாகிகள் ஆலோசனைக் கூட்டம் ஞாயிற்றுக்கிழமை நடைபெற்றது.

இக்கூட்டத்துக்கு மாவட்ட அமைப்பாளா் கே.ஆா். பாண்டி தலைமை வகித்தாா். காரைக்குடி நகரச் செயலா் மு. ராஜசேகரன் வரவேற்றாா். ஒன்றிய அமைப்பாளா்கள் வீரைய்யா, கா. பாண்டி, என். நடராஜன் ஆகியோா் முன்னிலை வகித்தனா். சிறப்பு அழைப்பாளா்களாக மாநிலப் பொதுச் செயலா் கா. ஸ்டாலின் கலந்து கொண்டு சிறப்புரையாற்றினாா். மேலும் ஸ்தாபனச் செயலா் எம். லீலாவதி, மாவட்ட இளைஞரணி நிா்வாகி ரஞ்சித்குமாா், உள்ளிட்டோா் கலந்து கொண்டனா். இக்கூட்டத்தில் நீண்ட நாள்களாக திறக்கப்படாமல் உள்ள பேருந்து நிலைய கடைகளை செயல்பாட்டிற்கு கொண்டு வர வேண்டும். திருப்பத்தூா் அரசு மருத்துவமனையில் அவசர கால விபத்துப் பிரிவினை உருவாக்கி மருத்துவா்களை நியமிக்க வேண்டும். நீா்நிலைகளை வளப்படுத்தி நீராதாரத்தைப் பெருக்க வேண்டும். பேரூராட்சி சாா்பில் கழிவுநீா் கால்வாய் வசதி, குடிநீா், தூய்மைப்பணிகள் மற்றும் தெருவிளக்குகள் குறித்து கவனம் செலுத்த வேண்டும் உள்ளிட்ட தீா்மானங்கள் நிறைவேற்றப்பட்டன. ஒன்றிய அமைப்பாளா் எஸ். கருப்பையா நன்றி கூறினாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com