மானாமதுரையில் சத்குரு சதாசிவப் பிரம்மேந்திரா் ஆராதனை விழா

மானாமதுரை: சிவகங்கை மாவட்டம் மானாமதுரையில் சத்குரு ஸ்ரீ சதாசிவப் பிரம்மேந்திரா் 42 ஆம் ஆண்டு ஆராதனை விழா செவ்வாய், புதன்கிழமைகளில் நடைபெற்றது.

மானாமதுரை ஸ்ரீ ஆனந்தவல்லி அம்பாள் சமேத சோமநாத சுவாமி கோயிலில் சுவாமி சன்னிதியின் பின்புறம் ஸ்ரீ சதாசிவ பிரம்மேந்திரா் அதிஷ்டானம் உள்ளது. இங்கு ஆண்டுதோறும் வைகாசி மாதம் ஆராதனை விழா நடைபெறுவது வழக்கம். கடந்த இரண்டு ஆண்டுகளாக கரோனா காரணமாக ஆராதனை விழா நடைபெறவில்லை. இந்த ஆண்டு மானாமதுரை பேருந்து நிலையம் அருகேயுள்ள தனியாா் திருமண மண்டபத்தில் செவ்வாய்கிழமை ஆராதனை விழா தொடங்கியது. பிரமேந்திரா் உருவப்படத்திற்கு மலா்மாலைகள் சூடி பூஜைகள் நடத்தப்பட்டது.

அதன்பின் வேதபாராயணம், தீபாராதனை நடைபெற்றது. தொடா்ந்து சுபத்ரா சுந்தரராஜன், அக்ஷயா ஸ்ரீதரன், கோபால் முரளி உள்ளிட்ட கா்நாடக இசைக்கலைஞா்களின் வாய்ப்பாட்டு மற்றும் பக்க வாத்தியக் கலைஞா்களின் இசை மூலம் பிரம்மேந்திரா் சுவாமிக்கு இசை அஞ்சலி செலுத்தப்பட்டது. மாலையில் கடம் வித்வான் கோவை மோகன்ராமுக்கு பாராட்டு விழா நடைபெற்றது. இதில் ஆராதனை விழா கமிட்டித் தலைவா் வி. ராஜா ராவ்,உப தலைவா் ஏ. ஆா். பி. முருகேசன் உள்ளிட்டோா் பங்கேற்றுப் பேசினா். அதைத் தொடா்ந்து இசை நிகழ்ச்சி நடைபெற்றது.

விழாவின் இரண்டாவது நாளாக புதன்கிழமை ஸ்ரீ சதாசிவப் பிரம்மேந்திரா் அதிஷ்டானத்தில் அபிஷேகம், ஆராதனை நடைபெற்று பிரமேந்திரா் சுவாமி சிறப்பு அலங்காரத்தில் அருள்பாலித்தாா். சைக்கலைஞா்கள் கூடி கோஷ்டிகானம் பாடியும் பக்க வாத்தியங்கள் இசைத்தும் பிரமேந்திரா் சுவாமிக்கு குரு அஞ்சலி செலுத்தினா்.