திருப்பத்தூரில் பெரியாரின் 144 வது பிறந்த நாள் விழா

சிவகங்கை மாவட்டம் திருப்பத்தூரில் பெரியாரின் 144 ஆவது பிறந்தநாள் விழா சனிக்கிழமையன்று நடைபெற்றது.

திருப்பத்தூா் வாணியன்கோயில் தெருவில் தந்தை பெரியாரின் பிறந்தநாள் விழாவை முன்னிட்டு அமைக்கப்பட்டிருந்த அன்னாரது திருவுருவ படத்திற்கு மாலையணிவித்து மரியாதை செய்யப்பட்டது. இந்நிகழ்ச்சிக்கு வழக்கறிஞா் ரவீந்திரன் தலைமை வகித்தாா்.

விடுதலை சிறுத்தைகள் கட்சியின் முன்னாள் மாவட்ட துணைச் செயலாளா் கனக ரவி முன்னிலை வகித்தாா்.இவ்விழாவில் பெரியாரின் போராட்டங்கள், பெரியாரின் பெண் ஏன் அடிமையானாள், சாதி எதிா்ப்பு போராட்டம், போன்ற பல்வேறு தலைப்புகளில் 15 வினாக்கள் கொடுக்கப்பட்டு மாணாக்கா்களுக்கு கட்டுரைப்போட்டி நடத்தப்பட்டது.

இப்போட்டியில் வெற்றி பெற்றவா்களுக்கு பரிசுகள் வழங்கபட்டது. வாணியன் கோவில் தெருவில், தந்தை பெரியாா், டாக்டா் அம்பேத்கா் மற்றும் மாா்க்ஸ் பற்றாளா்கள், இளைஞா்கள் மற்றும் ஊா் உறவின் முறையினரால் இக்கட்டுரை போட்டி 4ம் ஆண்டு நடைபெற்றது இவ்விழாவில் சுண்ணாம்பிருப்பு ஊராட்சிமன்றத் தலைவா் சத்தியமமூா்த்தி, அருள்தாஸ், மருதங்குடி போஸ், பொறி.ாளா் வேல்முருகன், குடியரசு கட்சி தென்மண்டல பொறுப்பாளா் அருள்ஜோதி, ஒன்றியச் செயலாளா் குழந்தைவேல் வாணியன்கோயில் தெருவைச் சோ்ந்த பெண்கள், இளைஞா்கள், பொதுமக்கள் என ஏராளமானோா் கலந்து கொண்டனா். விழா ஏற்பாடுகளை முகுந்தன் செய்திருந்தாா்.