காளையாா்கோவிலில் மே 13-இல் உயா் வழிகாட்டி முகாம்

சிவகங்கை மாவட்டத்தைச் சாா்ந்த 12- ஆம் வகுப்பு படித்து தோ்ச்சி பெற்ற மாணவ, மாணவிகளுக்கான கல்லூரிக் கனவு எனும் உயா்கல்வி வழிகாட்டி முகாம் வருகிற 13-ஆம் தேதி காளையாா்கோவில் புனித மைக்கேல் பொறியியல் கல்லூரியில் நடைபெறவுள்ளது.

இதுதொடா்பாக மாவட்ட ஆட்சியா் ஆஷாஅஜித் வெளியிட்ட செய்திக்குறிப்பு:

பள்ளிக் கல்வித் துறை சாா்பாக ‘நான் முதல்வன்’ திட்டத்தின் கீழ் நடைபெறும் கல்லூரிக் கனவு நிகழ்ச்சியில், சிவகங்கை மாவட்டத்தில் உள்ள 68 அரசு மேல்நிலைப் பள்ளிகளில் பயின்ற 1,800 -க்கும் மேற்பட்ட மாணவா்கள் கலந்து கொள்ள நடவடிக்கை மேற்கொள்ளப்பட்டுள்ளது. இந்த வழிகாட்டுதல் நிகழ்ச்சியில் 12 -ஆம் வகுப்பு முடித்த மாணவா்களுக்கான பல்வேறு உயா் கல்வி, வேலைவாய்ப்புகள் பற்றிய விவரங்களும், பொறியியல், மருத்துவம், வேளாண், கால்நடை மருத்துவம், கலைப்படிப்புகள், அறிவியல் படிப்புகள், ஊடகவியல் சாா்ந்த படிப்புகள் அவற்றிற்கான வேலை வாய்ப்புகள் தொடா்பாக பேராசிரியா்கள், மருத்துவா்கள், வெற்றி பெற்ற சாதனையாளா்கள் மூலம் விளக்கப்பட உள்ளது. மேலும், கல்லூரி கல்விக்கான கடன் பெறுவது, கல்லூரி படிப்புக்கான படிப்பு உதவித் தொகை பெறுவது தொடா்பான வ வரங்கள் வழங்கப் படவுள்ளது என்றாா் அவா்.

X
Dinamani
www.dinamani.com