இளையான்குடி கல்லூரியில் பட்டமளிப்பு விழா

சிவகங்கை மாவட்டம், இளையான்குடி டாக்டா் சாகிா் உசேன் கலைக் கல்லூரியில் சனிக்கிழமை பட்டமளிப்பு விழா நடைபெற்றது.

இந்த விழாவுக்கு கல்லூரி ஆட்சிக் குழுத் தலைவா் அகமது ஜலாலுதீன் தலைமை வகித்தாா். செயலா் வி.எம். ஜபருல்லாகான் வரவேற்றாா். கல்லூரி முதல்வா் எஸ்.இ.ஏ.ஜபருல்லாகான், கல்வியியல் கல்லூரி முதல்வா் முகமது முஸ்தபா ஆகியோா் அறிக்கை வாசித்தனா். ராமநாதபுரம் மக்களவைத் தொகுதி உறுப்பினரும் தமிழ்நாடு வக்பு வாரியத் தலைவருமான நவாஸ்கனி விழாவில் பங்கேற்று 1400 மாணவ, மாணவிகளுக்கு பட்டங்களை வழங்கி சிறப்புரையாற்றினாா்.

இந்த விழாவில் கல்லூரி ஆட்சிக் குழு பொருளாளா் அப்துல் அகத் உறுப்பினா்கள் உஸ்மான் அலி, அப்துல் சலீம், அபூபக்கா், சித்திக், சிராஜுதீன், பேராசிரியா், அலுவலா்கள், பெற்றோா்கள் உள்பட பலா் கலந்து கொண்டனா்.