மருத்துவக் கல்லூரிகளில் பயில தோ்வு பெற்ற மாணவா்களுக்குப் பாராட்டு

சிவகங்கை மாவட்டம், திருப்பத்தூா் அருகேயுள்ள குளோபல் சா்வதேச பள்ளி மாணவா்கள் 10 போ் ‘நீட்’ தோ்வில் சிறப்பிடம் பெற்று மருத்துவப் படிப்பில் பயில தோ்வு பெற்ற மாணவா்களை பள்ளி நிா்வாகத்தினா் பாராட்டினா்.

நிகழாண்டு நடைபெற்ற ‘நீட்’ தோ்வில் இந்தப் பள்ளி மாணவா் அப்துல் முகைமின் 595 மதிப்பெண்கள் பெற்று அகில இந்திய அளவில் 1,735 ஆவது ரேங்க் பெற்றாா். இந்தப் பள்ளியை சோ்ந்த நந்தகுமாா் என்ற மாணவா் நிகழாண்டு நடைபெற்ற ஜே.இ.இ. தோ்வில் 98.1 சதவீத மதிப்பெண்கள் பெற்று திருச்சி என்.ஐ.டி.யில் பொறியியல் படிக்கும் வாய்ப்பு பெற்றாா்.

இந்தப் பள்ளியின் மாணவா்கள் விமல், ஆதவன், கோபிகா ஆகியோா் மதுரை மருத்துவக் கல்லூரியிலும், மாணவா் கணேஷ் சிவகங்கை அரசு மருத்துவ கல்லூரியிலும் படிப்பதற்கு வாய்ப்பு பெற்றனா். மாணவி தூரிகா கோவா என்.ஐ.டி. யிலும், மாணவா் பிரசன்னா சென்னை ஐஐடி-யிலும் பொறியியல் படிப்பதற்கு வாய்ப்பு பெற்றனா். மேலும் மாணவா்கள் ஆஷிகா தௌபிகா, நிசாா் அஹமது, சாய்நாத், பிரியதா்ஷினி, லட்சுமி நேத்ரா, தாரணி ஆகியோா் தமிழ்நாடு மருத்துவக் கல்லூரிகளில் எம்பிபிஎஸ் பயில தோ்வாகியுள்ளனா்.

இதுதவிர தமிழ்நாடு பொறியியல் கல்லூரிகளுக்கான கலந்தாய்வின் மூலம் இந்தப் பள்ளியைச் சோ்ந்த 20-க்கும் மேற்பட்ட மாணவா்கள் பல்வேறு சிறப்பான பொறியியல் கல்லூரிகளில் பயில வாய்ப்பு கிடைத்தது.

இந்த மாணவா்களை பள்ளி நிா்வாகம் சாா்பில் தாளாளா் காந்தி, இயக்குநா்கள் ராஜமூா்த்தி, உமா மகேஸ்வரி, பிரசன்னா, பள்ளித் தலைமை ஆசிரியா் உள்ளிட்டோா் வியாழக்கிழமை பாராட்டினா்.