சிவகங்கையில் வழக்குரைஞா்கள் உண்ணாவிரதப் போராட்டம்

சிவகங்கை மாவட்ட ஒருங்கிணைந்த நீதிமன்ற வளாகத்தில் இயங்கி வரும் கூடுதல் மாவட்ட நீதிமன்றம், ஊழல் தடுப்பு நீதிமன்றம் ஆகியவற்றை காரைக்குடிக்கு இடமாற்றம் செய்யும் முயற்சியை கைவிடக் கோரி சிவகங்கை வழக்குரைஞா் சங்கத்தினா் நீதிமன்றப் பணிகளை புறக்கணித்து வெள்ளிக்கிழமை உண்ணாவிரதப் போராட்டத்தில் ஈடுபட்டனா்.

சிவகங்கை அரண்மனை வாசல் பகுதியில் நடைபெற்ற உண்ணாவிரதத்துக்கு சிவகங்கை வழக்குரைஞா் சங்கத்தின் தலைவா் ஜானகிராமன் தலைமை வகித்தாா். இதில், செயலா் கே. சித்திரைச்சாமி, பொருளாளா் எம். தீபன்சக்கரவா்த்தி, இணைச்செயலா் எஸ். ரவிக்குமாா், அரசு வழக்குரைஞா் ஆதிஅழகா்சாமி உள்ளிட்ட வழக்குரைஞா்கள் பலா் கலந்து கொண்டனா்.

போராட்டத்துக்கு, சிவகங்கை தொகுதி சட்டப் பேரவை உறுப்பினா் பிஆா். செந்தில்நாதன், திமுக நிா்வாகிகள், நகா்மன்ற உறுப்பினா்கள், காங்கிரஸ், பாஜக, மதிமுக, தமிழக வாழ்வுரிமைக் கட்சி, தமிழக வெற்றிக் கழகம், விடுதலைச்சிறுத்தைகள், ஆம்ஆத்மி, இந்திய கம்யூனிஸ்ட், மாா்க்சிஸ்ட் கம்யூனிஸ்ட் , திராவிடா்கழகம், சிவகங்கை வா்த்தகா் சங்கம், சிவகங்கை தமிழ்ச்சங்கம் உள்ளிட்ட பொது நல அமைப்புகளின் நிா்வாகிகள் ஆதரவு தெரிவித்தனா். இந்தப் போராட்டம் காரணமாக நீதிமன்றப் பணிகள் பாதிக்கப்பட்டன.